DEPORTES
Uns 180 tiradores daranse cita en Santiago no VIII Open Compos de esgrima
O pavillón de Pontepedriña acollerá este sábado 25 e o domingo 26 o VIII Open Compos de esgrima, que comprenderá o Ranking Galego de Espada (absoluto e M-15)e o Ranking Nacional de Veteranos (espada e florete). A competición foi presentada en rolda de prensa polo concelleiro de Deportes, Adrián Varela, acompañado de Xosé Piñeiro e Jordi Acuña, presidente e monitor do club Compostela Esgrima, organizador do Open.
NORMALIZACIÓN LINGÜÍSTICA
Nove equipos e 75 estudantes competirán na fase comarcal do III Club de Debate
A concelleira de Normalización Lingüística, Rebeca Domínguez, presentou esta mañá no Pazo de Raxoi a fase comarcal do Club de Debate 2014, acompañada polos concelleiros de Normalización Lingüística de Ames, Eugenia Martín, e de Teo, Carme Hermida. Tamén se inclúen os concellos de Carballo e Rois nesta fase comarcal, a de maior participación no certame, xa que terá nove equipos, formados por un total de 75 estudantes.
XUNTA DE GOBERNO
O Concello ordena a retirada das pantallas da Alameda e da praza de Galicia
A Xunta de Goberno, na súa sesión ordinaria, acordou requirir ás empresas que prestaban o servizo a retirada das pantallas situadas no parque da Alameda (Porta Faxeira) e na praza de Galicia nun prazo de dez días. De non terse en conta este requirimento nun prazo de dez días, o Concello retirará estas pantallas.
ALCALDÍA
Inaugurado o primeiro punto de autogás en Santiago de Compostela
O alcalde compostelán, Ángel Currás; o presidente do Consello de Administración de Galuresa, Manuel Martínez; e o delegado territorial de GLP de Repsol en Galicia, César Joral, inauguraron en San Caetano o primeiro punto de subministro de autogás na cidade, considerado actualmente como o combustible alternativo máis utilizado do mundo.
CENTROS SOCIOCULTURAIS
"Auschwitz-Birkenau, unha mirada ao pasado", de Daniel Candal, nova exposición fotográfica no CSXM do Ensanche
O luns 27 de xaneiro, ás 19:30 horas, inaugurarase a exposición Auschwitz-Birkenau, unha mirada ao pasado, de Daniel Candal. A mostra permanecerá no Centro Sociocultural e Xuvenil Municipal do Ensanche ata o 8 de febreiro.
TURISMO
Turismo de Santiago e Aer Lingus sortearán unha fin de semana en Dublín na principal feira turística de Irlanda
Turismo de Santiago participará por segundo ano consecutivo na Holiday World Show, a principal feira turística de Irlanda, que se celebra en Dublín este fin de semana. A empresa municipal de promoción turística terá un espazo no stand de Turespaña, onde sorteará unha viaxe dunha fin de semana para dúas persoas en colaboración con Aer Lingus, a Oficina Española de Turismo en Irlanda e o Hotel A Quinta da Auga.
CULTURA
Dorian Wood inaugura Sons’14 presentando o seu último traballo, "Rattle Rattle"
Para comezar o ciclo Sons’14 e como froito dunha nova colaboración co Festival Sinsal, o Teatro Principal acollerá a presentación do arxelino de orixe costarricense Dorian Wood, que chega dende Los Angeles. Presenta o seu último traballo, Rattle Rattle, este venres, ás 21:00 horas, no Teatro Principal. As entradas teñen un custo de 8 euros anticipada e 10 euros o día do concerto e poden mercarse no despacho de billetes do Principal (aberto de 18:00 a 21:00 horas), na Reixa Tenda ou en Novagalicia Banco (
