Noticias

Este venres, 1 de abril, ás 19:30 horas, abrirase no Centro Sociocultural de Conxo a exposición Tempos cambiantes, do pintor compostelán Nolo Suárez. A mostra estará aberta ata o 30 de abril.

A concelleira de Políticas Sociais, Diversidade e Saúde, Concha Fernández, e o fotoxornalista galego Gabriel Tizón presentaron esta mañá en rolda de prensa a exposición Refuxiados sen camiño, que a cidadanía de Santiago poderá visitar dende o domingo e durante todo o mes de abril na praza do Obradoiro.

Protección Civil de Santiago participou en 2015 en 599 operativos, fronte aos 314 do ano anterior. Deste xeito, a agrupación segue reforzando a súa presenza e a súa participación en distintas actividades que se realizan non só na capital galega, senón tamén na súa contorna. Así se recolle na memoria que hoxe presentaron a xefa de Protección Civil, Begoña del Río, e o concelleiro de Medio Ambiente e Convivencia, Xan Duro. O edil quixo felicitar á agrupación polo seu labor, "fundamental...

Danza a Escena, o circuíto artístico promovido polo INAEM e desenvolvido por La Red Española de Teatros, Auditorios, Circuítos y Festivales de titularidade pública, recala por vez primeira Santiago de Compostela. Será este próximo sábado, 2 de abril, coa representación da obra Coreógrafos españoles de Norte a Sur, unha produción que asina o Ballet Carmen Roche. Será no Teatro Principal ás 20:30 horas.

Santiago de Compostela súmase á celebración do Día Mundial de Concienciación do Autismo cun acto na praza do Obradoiro que terá lugar a partir das 11:00 horas e ao que se quere convidar a toda a cidadanía. O acto enmárcase dentro da campaña Inclusión, tolerancia e respecto.

O ano 2015 pechouse en Santiago de Compostela sen vítimas mortais en accidentes de tráfico no ámbito de competencias da Policía Local, un balance moi positivo que se produce por segundo ano consecutivo. A Policía Local relaciona esta boa evolución cunha maior concienciación da sociedade sobre os problemas do tráfico, e tamén cun incremento da vixilancia sobre as prácticas de risco dalgúns condutores. O balance foi o presentado en rolda de prensa polo inspector da Policía Local José Antonio Pena, a...

O Consorcio de Santiago celebrou este mércores a súa Comisión Executiva, presidida polo alcalde da cidade e presidente do organismo interadministrativo, Martiño Noriega. No marco da xuntanza, presentouse á nova interventora do Consorcio, Consuelo Lage Ferrón, interventora territorial do Ministerio de Facenda e Administracións Públicas da Coruña, en substitución de Emilio Vázquez Salgado por xubilación.

xO alcalde de Santiago e o presidente da Xunta reuníronse este mediodía no Parlamento Galego, no segundo encontro entre ambos dende a toma de posesión de Martiño Noriega. A xuntanza fora solicitada polo rexedor, para abordar cuestións de vital importancia para Compostela como a estación intermodal, a política aeroportuaria ou a construción da variante de Aradas.

O alcalde, Martiño Noriega, reniuse en Raxoi co consul xeral de Cuba, José Antonio Solana Fernández.

A Corporación municipal debateu este martes, nun pleno extraordinario, a participación de Compostela no programa europeo UrbanInnovativeActions (UIA), que se convoca neste 2016 por vez primeira. O Goberno local aspira a incorporarse á iniciativa cun proxecto que leva por nome GREEN4HOPE e que aborda a loita contra a pobreza urbana a través do desenvolvemento ecosocial. A adhesión saíu adiante cos votos favorables de Compostela Aberta, PSdeG-PSOE e BNG, coa abstención do PP.