TURISMO
Medran un 41% as consultas turísticas de estranxeiros en setembro
De acordo coas cifras subministradas polo concelleiro de Turismo, Francisco Candela, a oficina central de información turística municipal atendeu en setembro 21.501 consultas, un 30% máis que en setembro do 2005, cando rexistrou 16.570. Nesa cifra, os visitantes estranxeiros seguen superando en presenza aos nacionais, pois xeraron o 54,1% das consultas atendidas, pasando das 8.276 de setembro do 2005 ás 11.633 do pasado mes. Isto supón un crecemento do 41%, mentres que as consultas dos españois medraron un 20% en relación co 2005.
TURISMO
Lavacolla é o primeiro aeroporto español en crecemento de liñas de baixo custe
O máis recente reporte do Instituto de Estudios Turísticos (IET) sobre as compañías de baixo custe sinala que Lavacolla é, con 10.500 pasaxeiros transportados en agosto, o protagonista do maior crecemento español do sector cun 104,7%.
INFRAESTRUTURAS
A primeira fase do saneamento da conca do río Aríns dotaraa de 15 quilómetros de colectores
A Xunta de Goberno Local aprobou a adxudicación das obras de saneamento da conca do río Aríns. A primeira fase de actuación, que afecta aos colectores secundarios, conta cun investimento de 2.548.645 euros e o seu prazo de execución é de 11 meses. No mes de novembro comezarán as obras, que permitirán crear unha rede de 15 quilómetros de colectores.
XUNTA DE GOBERNO
A Escola Infantil de San Roque estará lista para o vindeiro curso
O curso 2006-2007 será o primeiro de funcionamento da nova Escola Infantil de San Roque, unha vez que se remate a súa construción nos vindeiros meses. A Xunta de Goberno local adxudicou as obras para o levantamento deste centro, por un importe de 403.551 euros.
ALCALDÍA
O alcalde demanda "compromisos temporais" para a alta velocidade que permitan aproveitar ao máximo o seu impacto
O alcalde compostelán, Xosé A. Sánchez Bugallo, asistiu á inauguración do primeiro Forum Transnacional do proxecto PARTNER, que se concentra na promoción da mobilidade sustentable e da accesibilidade das rexións do Espazo Atlántico ás grandes redes de transportes transeuropeos. Posteriormente, participou nunha mesa redonda xunto co ministro portugués para os Traballos Públicos, o presidente da Autoridade Portuaria de Vigo, Abel Caballero, e o parlamentario europeo e antigo ministro portugués de Emprego e...
SOLIDARIEDADE
Unicef celebrou o seu 60 aniversario cunha cea solidaria
Unicef-Galicia celebrou unha cea solidaria para conmemorar o 60 aniversario da organización. Tivo lugar no Hotel Puerta del Camino e asistiron, entre outros, o alcalde compostelán, Xosé A. Sánchez Bugallo, e os actores Ana Duato e Imanol Arias, na súa condición de embaixadores de Unicef.
CULTURA
"Imperial: Café Cantante", unha gran produción de estrea no Principal
Estréase no Teatro Principal a nova obra de Teatro do Noroeste, "Imperial: Café Cantante", unha superprodución chamada a converterse nun dos acontecementos escénicos da temporada. Un ano de traballo detrás para un espectáculo que estará nos principais escenarios de Galicia, de forma continuada, ata finais de xaneiro. Ademais, chega acompañado da edición da obra en libro e CD.
ALCALDÍA
Bilbao rende homenaxe a Santiago de Compostela
O alcalde compostelán, Xosé A. Sánchez Bugallo, presidiu en Bilbao, acompañado dos seu homólogo bilbaíno, Iñaky Azkuna, a inauguración da rúa "Santiago de Compostela". Con esta denominación, o concello biscaíño quere render homenaxe á comunidade galega e , de xeito especial, á capital de Galicia da que salientan a súa calidade de cidade Patrimonio da Humanidade e punto fundamental do Camiño de Santiago.
UMAD
A UMAD pon en marcha os obradoiros do Programa de pais e nais para a educación
"O respecto como prevención. Construíndo dende a familia persoas e cidadáns" é o título do primeiro taller do Programa de pais e nais para a educación, que organiza a Unidade Municipal de Atención aos Drogodependentes (UMAD). Neste obradoiro, que se celebrará os venres 20 e 27 de outubro e 10, 17 e 24 de novembro, de 18:00 a 20:00 horas, abordaranse temas como as dificultades de comunicación, o fracaso escolar, as drogas, o vandalismo, o incumprimento de normas ou os problemas de convivencia.
EDUCACIÓN E MOCIDADE
Compostela forma novos monitores de tempo libre
A Concellaría de Educación e Mocidade e o centro de estudios FESAN organizan un curso de monitores de tempo libre, do 20 de outubro ao 17 de decembro. Esta iniciativa, incluída nas accións formativas para a especialización da mocidade en actividades extraescolares, quere incidir nunha mellor dinamización da mocidade compostelá e contribuír á profesionalización na organización das actividades extraescolares dos centros de ensino da cidade.