XUNTA DE GOBERNO LOCAL
A Xunta de Goberno aproba axudas para a rehabilitación de vivendas no Casco Histórico por valor de 62.000 euros
O goberno municipal deu o visto bo, na sesión da Xunta de Goberno do luns 12 de novembro, á concesión de axudas para a rehabilitación de seis vivendas e un local comercial no Casco Histórico. Foi un dos puntos máis relevantes dunha xuntanza na que tamén se acordou poñer a disposición da Xunta de Galicia unha parcela en Pontepedriña na que se construirá un centro de ensino de primaria.
ALCALDÍA
O Concello cederá á ONG Ternura un local para os pais de nenos oncolóxicos
O alcalde, Xosé A. Sánchez Bugallo, recibiu no Pazo de Raxoi a representantes da ONG "Ternura, asociación de axuda ao neno oncolóxico" para falar da posibilidade de que o Concello facilite un local na cidade no que poidan pernoctar os pais e familiares dos nenos hospitalizados de longa duración.
PROMOCIÓN ECONÓMICA
Promoción Económica imparte de xeito gratuíto catro cursos de formación para o emprendemento
Mañá, 13 de novembro, remata Xestión Tributaria, o primeiro dos catro Cursos de Formación para o Emprendemento impartidos pola Concellaría de Promoción Económica, Emprego, Comercio e Turismo de xeito gratuíto, no marco do programa Compostela Activa 2007. A través desta acción formativa as/os alumnas/os puideron coñecer as obrigas fiscais ás que debe facer fronte a/o pequena/o empresaria/o.
TRANSPORTES
Os cidadáns disporán de 100 bicicletas para uso público en dez puntos da cidade
O Concello de Santiago aposta pola bicicleta como unha "opción estratéxica" de transporte público. Así o indicou o alcalde, Xosé A. Sánchez Bugallo, na presentación do plan que está a preparar o Goberno municipal para o uso deste medio de transporte. Entrará en funcionamento en marzo de 2008 e o custo para o usuarios será de apenas seis euros anuais.
URBANISMO
O Concello pon a disposición da Comunidade Autónoma a parcela para o novo colexio de primaria de Pontepedriña
A Xunta de Goberno do luns 12 aprobara a posta a disposición da Comunidade Autónoma da parcela na que se construirá o novo centro educativo de primaria de Pontepedriña. Así o anunciou o alcalde, Xosé A. Sánchez Bugallo, que indicou que en xaneiro estará rematada a tramitación e a Xunta poderá licitar as obras.
ALCALDÍA
Sánchez Bugallo: "A posición do Concello será a de defender a prohibición da venta de alcohol a menores de 18 anos"
Na súa habitual rolda dos venres, o alcalde fixo balance da xuntanza mantida polos rexedores das sete grandes cidades coa conselleira de Sanidade, María José Rubio. Sánchez Bugallo comentou que na xuntanza non houbo "ningunha sorpresa" e recordou a invitación da conselleira a participar na elaboración da futura na futura Lei Integral de Prevención, Asistencia e Inserción en Materia de Drogodependencias e outras Condutas Aditivas.
TURISMO
O programa "Vivir Compostela" pechou con 4.500 solicitudes
O programa de sensibilización turística "Vivir Compostela", xestionado por Turismo de Santiago, permitiu a 3.365 composteláns participar en visitas guiadas, paseos e excursións normalmente ofertados aos turistas.
TURISMO
A Real Filharmonía de Galicia pon música ao novo vídeo promocional de Santiago de Compostela
O luns 11 de novembro, a Real Filharmonía gravará a peza musical que servirá de banda sonora ao novo vídeo encargado dende Incolsa para a promoción exterior de Santiago. A produción, rodada con modernas técnicas cinematográficas, está baseada nun plano secuencia que percorre os lugares emblemáticos de Compostela seguindo unha pompa de xabón.
URBANISMO
Sánchez Bugallo avoga por unha arquitectura "que teña en conta aos cidadáns e as súas necesidades"
Os V Encontros Internacionais de Arquitectura congregan en Santiago, do 8 ao 10 de novembro a quince arquitectos de gran prestixio internacional, que falarán sobre a súa particular percepción da arquitectura a través dos seus traballos. O evento xira en torno ao papel do arquitecto na sociedade.
REHABILITACIÓN
Vía libre a 70 novas actuacións nas áreas de rehabilitación de Vista Alegre e do Casco Histórico
O alcalde compostelán, Xosé A. Sánchez Bugallo; a ministra de Vivenda, Carme Chacón; e a conselleira de Vivenda, Teresa Táboas, asinaron os acordos da Comisión Bilateral de Seguimento do Plan Vivenda 2005-2008 relativos ás áreas de rehabilitación de Vista Alegre e do Casco Histórico. O acto de sinatura, presidido polo presidente da Xunta, Emilio Pérez Touriño, dá vía libre á rehabilitación de 70 inmobles nestas dúas áreas.