Noticias

O concelleiro de Espazos Cidadáns, Dereito á Vivenda e Mobilidade anunciou hoxe que o Goberno local chegou a un acordo coa empresa Tugalo, responsable do aparcamento de Galeras, que supón cancelar o convenio asinado no seu día e que prevía o acondicionamento de novos accesos ao estacionamento utilizando espazo público. Jorge Duarte lembrou que este proxecto "suscitara moitas queixas da veciñanza, e o Executivo quixo facer un exercicio de diálogo tanto coa cidadanía como coa empresa, para acadar un acordo beneficioso para...

A UNESCO convidou o Consorcio de Santiago a participar na Unesco Winter School: Sustainable Energy Governance in UNESCO World Heritage Sites, que se desenvolverá en Venecia entre o 13 e o 19 de decembro. A esta reunión están convocados os principais xestores de diferentes cidades Patrimonio da Humanidade do sueste de Europa, ademais de expertos e profesionais da xestión enerxética das arquitecturas históricas.

O Consorcio de Santiago celebrou este luns a súa Comisión Executiva e Consello de Administración, ambas xuntanzas presididas polo alcalde da cidade e presidente do organismo, Martiño Noriega. Entre os temas abordados na orde do día, presentouse o orzamento para o vindeiro ano, que ascende a 9.142.471,05 euros. As aportacións das tres Administracións consorciadas mantéñense con respecto a este ano 2015 e non baixan por primeira vez dende 2007. Así, a Administración Xeral do Estado achega 4.795.150 euros, a Xunta de...

O concurso Santiago(é)Tapas deu a coñecer os premiados da súa oitava edición. O acto de entrega de premios celebrouse no Teatro Principal, lugar no que se reuniron profesionais da hostalería compostelá, patrocinadores, xornalistas, membros do xurado e autoridades. Patricia de Lorenzo foi a encargada de conducir o evento.

Nas xornadas de venres e sábado, a Escola Municipal de Música (EMM) sumouse ás actividades do Nadal con varios concertos especiais no Teatro Principal (venres) e no Centro Comercial As Cancelas (sábado). Para completar a programación de Nadal, a Escola colaborará coa Banda Municipal de Música no Concerto de Reis, que se celebrará o domingo 3 de xaneiro ás 12:30 horas.

O alcalde de Santiago, Martiño Noriega, recibiu os participantes nas xornadas Cultura de Paz, Seguridade e Desarmamento, organizadas polo Seminario Galego de Educación para a Paz. Encabezaba a delegación Federico Mayor Zaragoza, presidente da Fundación Cultura de Paz e exdirector xeral da UNESCO, encargado da conferencia inaugural das xornadas.

A responsable de Artes Visuais do Centro Cívico Can Felipa de Barcelona, Joana Hurtado, dará en Compostela unha conferencia sobre o funcionamento deste espazo, titulada "A experiencia do Can Felipa Arts Visuals". Será este luns, 14 de decembro, ás 20:00 horas, nun acto con entrada libre.

Chega a cuarta edición do Mercado da Estrela, o festival do talento galego que se celebrará este sábado 12 e domingo 13 no Museo do Pobo Galego, a Zona C, a Praza 8 de Marzo e a Cantina Gourmet. Amosará un atractivo abano de agasallos de Nadal pertencentes a medio centenar de marcas galegas, unha variada programación lúdico-cultural de balde para todas as idades, e unha ampla oferta gastronómica nos seus dous espazos de restauración.

A Xunta de Goberno acordou este venres declarar o incumprimento do deber de executar a urbanización completa do ámbito do Plan Parcial do 1º sector do SUNP-31 de San Marcos, asumido pola Xunta de Compensación do polígono e pola inmobiliaria Outeiro de Sar S.L. Ademais, aprobou incautar a garantía prestada para responder ás súas obrigas por parte da empresa, un aval bancario por un importe de 507.099,86 euros.

A tradicional pista de xeo do Nadal xa está aberta para o goce da veciñanza. Está situada no Paseo Central da Alameda e, nesta ocasión, a empresa encargada da súa montaxe e instalación é Oziona Soluciones de Entretenimiento.