DEPORTES
Preto de 300 escolares de Santiago formaron unha gran melé de rugby no Obradoiro
A praza do Obradoiro acolleu unha gran melé de rugby, no que foi o primeiro dos actos previstos para esta semana de festa do rugby galego, que culminará o sábado 16 co partido oficial do Seis Nacións B entre España e Portugal. Preto de 300 nenos e nenas dos colexios de Santiago participaron nesta actividade promocional do partido. O concelleiro de Deportes, Adrián Varela, así como xogadores da selección española e técnicos e federativos sumáronse a esta gran melé.
CULTURA
"O Crebanoces" de Chaikovski pola Banda Municipal de Música e Títeres con Sacha
O director-xerente do Auditorio de Galicia, José Victor Carou, presentou a representación de O Crebanoces de Chaikovski, un programa que conta coa Banda Municipal de Música e Títeres con Sacha, dentro do ciclo Infantil e Familiar. Na rolda estiverón tamén X. Carlos Seráns, director da Banda; Larraitz Urruzola, responsable da coordinación; e José Luis López "Sacha", actor. O espectáculo para títeres de mesa, dirixido a público familiar, será o domingo 17 de marzo, ás...
ALCALDÍA
Unha emenda aos orzamentos do Estado desbloquea a obra do túnel de Conxo
O alcalde compostelán, Ángel Currás, anunciou a introdución dunha emenda aos orzamentos do Estado, que permitirá cambiar as partidas económicas previstas para 2013 e 2014 e desbloquear así a obra do túnel de Conxo. As cantidades inicialmente previstas, 100.000 euros para 2013 e 350.000 euros para 2014 pasan agora a 2 e 5 millóns de euros, respectivamente.
TURISMO
Santiago de Compostela promociona a súa Semana Santa en Madrid e Barcelona
Turismo de Santiago organiza esta semana dúas presentacións específicas da Semana Santa na cidade para incentivar o mercado nacional nesas datas. A primeira das presentacións, dirixida a medios e turoperadores, realizouse en Madrid. A outra farase en Barcelona.
CULTURA
Sr. Chinarro volve a Compostela tres anos despois dentro do ciclo Íntimo & Acústico
Despois de tres anos, volve a Compostela Sr. Chinarro, desta vez da man do ciclo Íntimo & Acústico. O concerto será o xoves 14 de marzo, ás 21:00 horas, no Teatro Principal. O prezo das entradas é de 12 € anticipada e 15 € na billeteira do Teatro Principal, aberta de martes a sábado (+ días de evento) de 18:00 a 21:00 horas.
CULTURA
Ron Carter Trío inaugura o Ciclo 1906 Jazz
O Ciclo 1906 Jazz volve ofrecer aos afeccionados ao jazz intérpretes de incontestable calidade e que percorren as diferentes correntes do jazz actual. Ron Carter Trío abrirá esta sexta edición o domingo 17 de marzo, ás 20:00 horas, no Teatro Principal.
PATRIMONIO
O barrio de Casas Novas recupera o seu cruceiro dez anos despois
O alcalde compostelán, Ángel Currás, visitou o barrio de Casas Novas con motivo das obras de reparación do cruceiro. Investíronse uns 24.000 euros na recuperación deste monumento, declarado Ben de Interese Cultural (BIC).
DEPORTES
O partido do Seis Nacións B entre España e Portugal culminará en San Lázaro a semana de festa do rugby galego
O Estadio Multiusos de San Lázaro acollerá o sábado 16 de marzo, ás 18:00 horas, o partido internacional de rugby entre España e Portugal, correspondente ao Campionato de Europa. Torneo 6 Nacións B. Con este partido culminará unha semana de festa coa que se celebrarán os 30 anos da Federación Galega de Rugby.
EDUCACIÓN
Educación ofrece ata 60 prazas no seu programa de conciliación da Semana Santa
A concelleira de Educación, María Castelao, presentou o programa municipal de conciliación para esta Semana Santa 2012. Durante os días 25, 26, 27 de marzo e 1 de abril, as familias compostelás dispoñerán dun espazo no CEIP As Fontiñas para conciliar o seu horario laboral co lecer e a educación dos seus fillos. A inscrición poderá formalizarse ata o 15 de marzo.
CULTURA
Coetus & Eliseo Parra presentan "Entre tierras" no ciclo Sons’13
Na súa primeira actuación en Compostela, Coetus & Eliseo Parra presentan o seu segundo álbum Entre tierras no ciclo Sons’13. Será o mércores 13 de marzo, as 21:00 horas, no Teatro Principal.