DEPORTES
A Campamento Urbano "SantiaGO!" amplía datas e incorpora novas actividades
Tras o éxito da primeira edición, este verán volve a poñerse en marcha o Campamento Urbano SantiaGO!, que combina a aprendizaxe do inglés co deporte. Nesta ocasión o programa amplíase tamén aos primeiros días de agosto. Ademais, haberá novas actividades deportivas e incorpóranse servizos como o de madrugadores ou o de comedor.
ALCALDÍA
Minuto de silencio na praza do Obradoiro en solidariedade con Lorca
A Corporación municipal reuniuse na praza do Obradoiro en solidariedade coas vítimas dos terremotos de Lorca (Murcia). Outras autoridades políticas e sociais uníronse a esta concentración, na que se gardou un minuto de silencio, pechado cun sentido aplauso.
CULTURA
A curta "Home Cobaia" gaña o Concurso de Escolas Galegas en Curtocircuíto
As estudantes do Centro de Imaxe e Son de Vigo (EISV), Alejandra Días e Miriam Domínguez, foron as gañadoras do Premio da Competición Escolas Galegas, un concurso que se celebra por vez primeira no marco do programa do Festival Internacional de Curtametraxes, Curtocircuíto, organizado pola Concellaría de Cultura e Centros Socioculturais. Na tarde do mércores proxectáronse as sete curtas a competición e, a última hora, celebrouse a votación, da que saíron gañadoras as autoras da curta Home...
CULTURA
Sete concertos e unha aula aberta compoñen a segunda edición de "No Campo de Fóra"
O Departamento de Centros Socioculturais, en colaboración con aCentral Folque, organiza a segunda edición do programa No Campo de Fóra, ciclo de actividades ao redor da música tradicional. Sete concertos e unha aula aberta completan un programa variado para todos os veciños e veciñas con actuacións únicas e presentacións de proxectos persoais. Serán actuacións de pequeno formato, duns 45 minutos, que se celebrarán en diversos sitios da cidade, sempre en relación cos CSC.
CULTURA
Máis de 2.500 persoas participaron xa nas proxeccións do programa de Curtocircuíto
Continuando coa celebración do VI Mercado Internacional do Festival Internacional de Curtametraxes Curtocircuíto, que organiza a Concellería de Cultura e Centros Socioculturais, o xoves 12 e o venres 13 haberá un denso programa de proxeccións, no que se poderá ver unha das seccións fóra de concurso e que amosa a creación que, con formato de curta, se produce no audiovisual galego: Panorama Galicia. E tamén vídeos musicais internacionais.
CONSORCIO
Sesenta establecementos ofrecerán 113 pequenos manxares na cuarta edición do concurso "Santiago(é)Tapas"
Presentouse unha nova edición de Santiago(é)Tapas, o concurso de tapas de Santiago de Compostela, organizado promovida por Turismo de Santiago e a Asociación Hostalería Compostela. Neste ano 2011 celebra a súa cuarta edición, que terá lugar entre o 13 e o 29 de maio, enmarcada dentro do programa de actividades do 800 aniversario da consagración da Catedral. Participan 60 establecementos da cidade, que ofertan un total de 113 tapas. Todas elas teñen un prezo de dous euros.
CIDADE HISTÓRICA E MEDIO AMBIENTE
Presentadas as bases do Concurso de Balcóns da Cidade Histórica "Flores na cidade"
As concellarías de Cidade Histórica e de Medio Ambiente abren o prazo para participar no III Concurso de Balcóns da Cidade Histórica Flores na cidade a través desta mesma web e de www.compostelaviva.org.
FESTAS
Di Elas e Chenoa abrirán as Festas da Ascensión con dous concertos gratuítos
O concelleiro de Festas, Xosé Baqueiro, presentou en rolda de prensa o programa da Ascensión 2011. En total serán cinco días de festa, do 1 ao 5 de xuño, con 50 actuacións musicais, charangas e pasarrúas a todas as horas e en todas as prazas da cidade, mesturadas con actividades tradicionais de folclore nas rúas, títeres, deportes como a chave ou as novas prácticas urbanas relacionadas co skate, ademais das atracción e postos de polbo na Alameda.
BENESTAR SOCIAL
Benestar Social prepara unha escola de verán no ámbito do Urbana Santiago Norte
A concelleira de Benestar Social e Igualdade, Mar Martín, anunciou que un dos proxectos que o seu departamento ten en marcha no marco do programa Urbana Santiago Norte é a creación dunha escola de verán dirixida aos máis novos deste ámbito de actuación. Ademais, potenciarase o Programa de Educación de Rúa, neste caso insistindo no intercambio xeracional entre mozos e maiores.
XUNTA DE GOBERNO
Aprobadas as listas provisionais das escolas infantís de Conxo e Fontiñas
A Xunta de Goberno aprobou provisionalmente as listas de admisión e agarda nas escolas infantís municipais de Conxo para o curso 2011-2012. Na mesma sesión deuse o visto bo a un orzamento de 180.002 euros para as festas da Ascensión, que nesta edición teñen o seu día grande o 2 de xuño.