Noticias

Comeza en Santiago o Foro da Intermediación e o Emprego, un encontro que, durante o mércores 29 e o xoves 30, converterá Santiago no punto de reunión entre empresas e demandantes de emprego. Con máis de 1.200 inscricións nas presentacións que realizarán as 27 empresas presentes no Foro, así como coa posibilidade de enviar o currículo a máis de 60 empresas a través do espazo dixital do Foro, os demandantes de emprego poderán atopar información sobres os requisitos e oportunidades no mercado...

Área Santiago organizará unha viaxe de xornalistas e profesionais do sector da pesca deportiva para promocionar os seus atractivos como destino para os pescadores afeccionados. Os técnicos dos 16 concellos que colaboran no grupo de traballo de promoción turística reuníronse no edificio Cersia para ultimar as características desta viaxe, que servirá para a posta en valor das posibilidades da zona como destino para a pesca.

O alcalde de Santiago, Agustín Hernández, presentou unha nova edición da XXXIV Feira do Libro, que se celebrará do 1 ao 10 de maio no paseo central da Alameda. "Santiago de Compostela súmase así á promoción do libro e da lectura, entendendo que o libro é ese compañeiro de viaxe no desenvolvemento e crecemento de toda persoa, que non debemos abandonar nunca", indicou. Na rolda de prensa tamén participaron o secretario xeral de Cultura, Anxo Lorenzo; o vicepresidente da Federación de Libreiros de...

O Lapso 2015, evento musical que se celebra este xoves 30 de abril en Santiago de Compostela, trasládase da praza da Quintana ao Recinto Feiral de Amio. A previsión meteorolóxica para a xornada estima chuvascos fortes e vento, polo que a organización buscou un espazo alternativo que permita a súa celebración.

O pianista e compositor compostelán de jazz Abe Rábade compuxo unha obra para a Real Filharmonía de Galicia. A peza estrearase esta semana, interpretada polo trío que lidera o músico nun concerto coa RFG. Será o xoves día 30, coincidindo co Día Internacional do Jazz, no Auditorio de Galicia, ás 21:00 horas. Ademais, a orquestra desprazarase o venres a Ourense, onde actuará de novo xunto a Abe Rábade Trío na Praza de Santa Eufemia, ás 22:00 horas, no marco do XIX Festival de Jazz de Primavera. En...

Turismo de Santiago colabora con Easyjet na promoción das súas conexións internacionais no aeroporto da cidade mediante a Easyjet Experience, que agasallará con dez billetes de avión aos seus seguidores nas redes sociais. Easyjet conta actualmente con tres conexións directas, Londres, Xenebra e Basilea. O 8 de xuño estreará unha nova ruta a Roma.

O Campus universitario e a Alameda acolleron este domingo a I Carreira Solidaria pola Esclerose Múltiple, organizada pola Asociación Compostelá de Esclerose Múltiple (ACEM). O alcalde de Santiago, Agustín Hernández, deu a saída á proba. Logo, a concelleira de Servizos Sociais, María Corral, presidiu a cerimonia de entrega de premios.

Santiago de Compostela acolleu esta fin de semana a terceira proba do Campionato de España de Enduro. A competición contou coa participación duns 180 pilotos, que durante o sábado e o domingo realizaron diversas especiais nos circuítos habilitados nas inmediacións do Estadio de San Lázaro e no Monte do Gozo.

Santiago de Compostela celebra os vindeiros días 29 e 30 de abril o Foro da Intermediación e o Emprego, que terá lugar no Palacio de Congresos e Exposicións. Promovido pola concellaría de Economía, Emprego, Comercio e Turismo a través da Axencia Local de Colocación, en colaboración coas entidades asinantes do Pacto Local polo Emprego e cofinanciada polo FSE, esta iniciativa ten coma obxectivo favorecer a mellora das competencias e cualificacións profesionais das persoas demandantes de emprego e informar sobre recursos e...

A banda da Escola Municipal de Música de Santiago participa no III Festival de Bandas Xuvenís de Santa Cruz de Ribadulla, que se celebra este domingo, día 26 de abril, a partir das 17:00 horas, na Casa da Cultura de Santa Cruz de Ribadulla.