Noticias

O concelleiro de Espazos Cidadáns, Jorge Duarte, impulsou a primeira comisión informativa sobre infraestruturas cos voceiros do PP, Agustín Hernández; do PSdeG-PSOE, Paco Reyes e do BNG, Rubén Cela, celebrada esta mañá. A reunión durou unha hora e corenta minutos. Cada mes celebrarase unha comisión informativa sobre esta materia, sendo a de hoxe a primeira das xuntanzas.

A XVI edición do Ciclo de Lied chega ese martes 29 de setembro ao seu fin. Faino cun concerto no que poderemos escoitar ao barítono británico Roderick Williams, acompañado ao piano por Roger Vignoles, codirector artístico do ciclo. Será no Teatro Principal a partir das 20:30 horas. As entradas teñen un prezo de 8 euros e poden mercarse no despacho de billetes do Teatro Principal de 18:00 a 21:00 h, en entradas.abanca.com ou no 902 434 443.

A concelleira de Políticas Sociais, Concha Fernández, reuniuse esta mañá co coordinador da asociación 7 Cores, Gonzalo Diz, para poñer en marcha medidas contra a LGTBI fobia aprobadas no Pleno municipal.

A concelleira de Economía e Facenda, María Rozas, reuniuse co voceiro do grupo municipal do PSdG-POSE, Paco Reyes, ao que lle trasladou a proposta do Goberno local sobre as ordenanzas fiscais relativas aos impostos de devindicación anual do próximo exercicio.

O alcalde de Santiago, Martiño Noriega, participou na xornada de celebración dos 55 anos do Ensanche.

A Semana da Mobilidade chegou á súa fin en Compostela coa celebración do Día da Bicicleta, que reuniu polas rúas da cidade a 267 amantes deste medio de transporte alternativo.

A concelleira de Economía e Facenda, María Rozas, reuniuse co voceiro do grupo municipal do BNG, Rubén Cela, ao que lle trasladou a proposta do Goberno local sobre as ordenanzas fiscais relativas aos impostos de devindicación anual do próximo exercicio. O Goberno municipal de Compostela Aberta quere duplicar o gasto social no Concello, unha tarefa que pasa por mellorar a eficiencia, xestionar mellor os recursos, combater a fraude e actualizar as ordenanzas fiscais. A edil terá unha xuntanza o próximo luns co voceiro socialista, Paco Reyes, e...

A concelleira de Políticas Sociais, Concha Fernández, mantivo este venres unha xuntanza de traballo coa edil de Xustiza Social e Emerxencia da Coruña, Silvia Cameáns, que serviu como unha primeira toma de contacto de cara a establecer unha rede de colaboración entre ambos concellos en materia de servizos sociais. Concha Fernández asegura que nesa xuntanza se tratáron temas como a emerxencia e a exclusión social, ademais de artellar unha alianza coa que esixir á Xunta de Galicia e Goberno central que revirta os recortes en servizos...

A compañía Teatro do Morcego presenta esta fin de semana o seu espectáculo Presidente no Teatro Principal. Dirixida por José Prieto, conta no elenco con Celso Parada, Mercedes Castro, César Goldi, Iolanda Muíños e Federico Pérez. Será o domingo 27, ás 20:30 horas, no Principal. As entradas, a 10 euros, poden mercarse tanto no despacho de billetes do propio teatro (aberto de 18:00 a 21:00 horas), como no 902 434 443 ou en entradas.abanca.com.

O alcalde de Santiago, Martiño Noriega, recibiu en Raxoi a embaixadora da República Checa, Katerina Lukesova.