Noticias

A concelleira de Acción Cultural, Branca Novoneyra, presentou a XV edición do programa Imos de excursión. Desta vez, a oferta promovida pola Rede de Centros Socioculturais componse de 14 viaxes, das que 5 son excursións dun día e 9 viaxes de varias xornadas. O calendario arranca o 24 de marzo cun percorrido de catro días polo País Vasco e rematará a principios de decembro cunha viaxe a Lisboa.

A concelleira de Igualdade, Desenvolvemento Económico e Turismo, Marta Lois, presentou en rolda de prensa as actividades que conformarán o proxecto Compostela, territorio das mulleres, que se desenvolverán con motivo do 8 de marzo, Día Internacional da Muller. Serán seis as actividades que se realizarán no marco desta iniciativa e durante varias semanas.

O concelleiro de Educación e Cidadanía, Manuel Dios, recibiu os alumnos e alumnas do instituto Johann Philipp Reis Schule, da cidade de Weinheim (Alemania).

A concelleira de Economía e Facenda, María Rozas, reuniuse este martes en Raxoi coa Asociación de Familias Numerosas para explicarlle as bonificacións fiscais ás que pode acceder este colectivo en 2016.

A praza do Obradoiro acolleu unha concentración para condenar o último asasinato machista, que deixou este luns unha vítima en Zaragoza.

Durante a pasada semana, do 15 ao 21 de febreiro, a Policía Local colaborou coa Dirección Xeral de Mobilidade da Xunta de Galicia nunha campaña da Dirección Xeral de Tráfico de control de furgonetas e todo tipo de camións. Inspeccionáronse 54 vehículos, dos que seis foron propostos para sanción: catro deles por exceso de peso autorizado, un por circular cos pneumáticos en mal estado e un por circular sen ter superado a Inspección Técnica de Vehículos (ITV).

O Instituto Galego da Vivenda e Solo comunicou esta mañá ao Concello a aprobación da declaración de Área de Rehabilitación Integral para o ámbito de Vite, que lle fora solicitada por acordo da Xunta de Goberno do pasado 7 de agosto. O IGVS e o Concello deberán asinar un convenio específico para o financiamento de actuacións de rehabilitación.

O alcalde de Santiago, Martiño Noriega, recibiu o decano do Colexio Oficial de Enxeñeiros de Telecomunicación de Galicia, Ramón Bermúdez de Castro, e ao seu secretario xeral, Ramón Lois.

O 8 de marzo celébrase o Día dos Bombeiros, e o Servizo de Extinción de Incendios e Salvamento do Concello de Santiago vaino celebrar cun amplo programa de actividades no que colaboran as Concellarías de Medio Ambiente e Convivencia e de Educación e Cidadanía.Os actos terán lugar o sábado 5 de marzo, na praza do Obradoiro, a partir das 10:30 horas, e consistirán en talleres e exhibicións para amosar o traballo dos bombeiros e para achegarlle á cidadanía algunhas nocións básicas sobre...

Turismo de Santiago e Turkish Airlines organizan conxuntamente unhas xornadas de traballo en Seul para presentar a cidade ás principais empresas do sector turístico coreano que traballan no turismo cultural. Nestas xornadas, que se celebrarán de martes a xoves desta semana, participarán arredor de 100 das principais empresas do sector turístico do país, entre axencias de viaxes, turoperadores e medios de comunicación.