PROMOCIÓN ECONÓMICA
Santiago adhírese á Rede de Entidades para o Desenvolvemento Local
A Xunta de Goberno aprobou a adhesión do Concello de Santiago como socio fundador á Rede de Entidades para o Desenvolvemento Local (REDEL). Está previsto que Compostela acolla, na primeira quincena de xullo, a primeira reunión de REDEL. A Rede nacerá o 1 de marzo, logo do acordado nunha reunión celebrada o 31 de xaneiro en Bilbao, á que asistíu o concelleiro de Promoción Económica, Xosé Manuel Iglesias, en representación do Concello de Santiago. No encontro concretaránse as accións contempladas...
CULTURA
Sons da Diversidade comezou a súa cuarta edición coa presentación do último disco do grupo galego Milladoiro
O ciclo de música Sons da Diversidade, organizado pola Concellaría de Cultura, comezou o sábado 24 de febreiro a súa cuarta edición, coa presentación do último disco do grupo galego de música folk Milladoiro. Esta primeira parte do 2007 traerá até o vindeiro mes de xuño á nosa cidade a artistas da talla de Khaled, Sara Tavares, Adriana Calcanhotto ou Dominique A.
URBANISMO
O Concello recibirá 6,4 millóns de euros e un bloque de vivendas sociais pola cesión de terreos no novo polígono das Cancelas
O alcalde compostelán, Xosé A. Sánchez Bugallo, vén de asinar un convenio de colaboración co representante da empresa Nasozena, S.L, Juan Carlos Rodríguez Cebrián. O texto asinado en Raxoi establece a concreción do aproveitamento municipal no proxecto de compensación do SUNP-4 (Camiño Francés). En virtude do mesmo, o Concello percibirá case 6,4 millóns de euros e un bloque de vivendas colectivas protexidas.
SEGURIDADE CIDADÁ
Santiago segue a diminuír os seus índices de delincuencia
"Non creo que sexa motivo para crear alarma social". Así se pronunciou o alcalde compostelán, Xosé A. Sánchez Bugallo, a propósito das roturas dos vidros de cinco escaparates nos últimos días. Indicou que iso non ten que ver cun incremento da delincuencia na cidade, xa que as cifras dos últimos meses, xaneiro incluído, afirman o contrario.
EDUCACIÓN
Uns 1.000 alumnos de secundaria participarán nunha nova edición do Programa de educación afectivo sexual
Ponse en marcha a cuarta edición do Programa de educación afectivo sexual. Baixo o lema desta edición, "Sexibilízate", pretende instaurar este tipo de contidos no sistema educativo dun xeito integral. Ata o mes de abril, participarán uns 1.000 alumnos de 2º, 3º e 4º da ESO.
ALCALDÍA
O número de inverno da revista de información municipal analiza Compostela como destino turístico e empresarial
Os cidadáns de Compostela van comezar a recibir nas súas casas un novo número da publicación de información municipal do Concello de Santiago. Nesta ocasión analízase en profundidade o papel da cidade como destino turístico e de creación de solo empresarial.
LIMPEZA E SEGURIDADE
A Policía local identifica a once persoas por orinar na vía pública
O primeiro xoves de movida trala entrada en vigor da Ordenanza de convivencia, residuos e limpeza viaria, o luns 19 de febreiro, saldouse con once persoas identificadas por orinar na vía pública.
MERCAGALICIA
Mercagalicia aproba as contas de 2006
O Consello de Administración de Mercagalicia, presidido polo alcalde compostelán, Xosé A. Sánchez Bugallo, aprobou as contas do exercicio de 2006, durante o cal os ingresos globais ascenderon a 630.704 euros e se gastaron 531.421 euros, co que quedan 99.283 euros de beneficio. Os ingresos supoñen un 18,60% de incremento sobre os obtidos no 2005, mentres que os gastos son o 15,60% superior aos dese mesmo ano.
FESTAS
O concelleiro de Festas destaca a alta participación cidadá no Entroido
Tras cinco días de festas carnavaleiras, chegou o momento de facer balance. O concelleiro de Festas de Santiago, Xosé Baqueiro, destaca a alta participación cidadá que, aproveitando a tregua que deu o tempo, saíron ás rúas da cidade ataviados cos seus disfraces. Dende o pregón do día 17, no que arredor de 800 persoas deron a benvida ao Entroido deste ano no Toural da man de Mofa e Befa, ata o desfile de carrozas do martes de Entroido, que congregou a preto de 60.000 persoas polas rúas da cidade, os cidadáns...
PROMOCIÓN ECONÓMICA
Unha xornada analizará o impacto dos programas experimentais de inserción laboral
O concelleiro de Promoción Económica e Emprego, Xosé Manuel Iglesias, presentou a II Xornada Técnica sobre os programas experimentais de inserción laboral "Claves para a innovación na orientación profesional e laboral nun mundo globalizado". A xornada, que se celebrará o 15 de marzo no Pazo de Congresos, está dirixida a orientadores laborais, persoal técnico, axentes de emprego e desenvolvemento local, titores de inserción, docentes de Formación Profesional, persoal de programas de emprego e...