Noticias

A concelleira de Igualdade, Desenvolvemento Económico e Turismo, Marta Lois, presentou esta mañá algunhas das actividades que o tecido comercial do Ensanche ten preparado para as festas da Ascensión, que se celebran na nosa cidade do 24 ao 28 de maio. Na rolda estivo acompañada de José María Fernández, presidente de Santiago Centro, e de Xosé Manuel Durán, presidente da Asociación de Produtores Ecolóxicos Galegos.

O alcalde presentou este martes a programación coa que o Concello de Santiago se vai sumar á celebración do Día das Letras Galegas e á homenaxe a Carlos Casares, o autor ao que se lle dedica este 17 de maio. Martiño Noriega salientou o interese do Goberno compostelán en "aproveitar esta data para reivindicar a un escritor que tivo unha enorme vinculación con Santiago, e sobre todo para reivindicar o noso idioma".

O prestixioso músico e compositor de cine, publicidade e danza, Jesús Díaz, ofrece un concerto no Teatro Principal este mércores ás 20:30 horas. Faino como previa ao espectáculo da compañía de danza La Intrusa Mud Gallery, que temos o xoves tamén no Principal ás 20:30 horas, e cuxa música foi composta por Díaz. As entradas para ambos espectáculos poden mercarse no despacho de billetes do Teatro Principal (aberto de 18:00 a 21:00 horas), no 902 434 443 ou en

O alcalde mantivo esta mañá unha reunión co conselleiro de Sanidade, na que abordaron as actuacións derivadas da construción da nova Facultade de Medicina e Odontoloxía. Martiño Noriega mostroulle a Jesús Vázquez Almuíña a disposición do Concello a colaborar no que sexa necesario durante a ampliación do Complexo Hospitalario Universitario de Santiago e a reordenación do Hospital de Conxo e do Gil Casares.

A praza do Obradoiro acolleu unha concentración para condenar o último asasinato machista, que deixou unha vítima en Alcolea del Río (Sevilla).

O alcalde de Santiago, Martiño Noriega, asistiu na praza do Obradoiro a un simulacro no que amosou o funcionamento do programa Acude e Axuda, de asistencia precoz á parada cardiorrespiratoria en lugares públicos por persoal voluntario acreditado no manexo de desfibriladores externos semiautomáticos (DESA). Nesta iniciativa colaboran o Sergas, a través da Fundación Pública Urxencias Sanitarias de Galicia-061, Cruz Vermella e a Sociedade Española de Cardioloxía.

A concelleira de Políticas Sociais, Diversidade e Saúde, Concha Fernández, presentou esta mañá a quinta edición do mercadiño solidario Trócame-Roque, que dende 2013 organiza a rede comunitaria de Fontiñas. Na rolda estivo acompañada de representantes das entidades que participan na organización do evento.

O alcalde participou este mediodía no acto celebrado na praza da Quintana como peche do Correlingua 2017. Na carreira participaron centos de estudantes de centros de ensino de Santiago e da súa área de influencia. Desta vez, a proba celebrouse co lema "En galego, sen cancelas". Martiño Noriega saudou aos participantes, aos que invitou a "vivir e amar en galego", e lembroulles que "dos mozos e mozas do país depende que teñamos mil primaveras máis para a nosa lingua".

Desafío Comercial SCQ, unha aplicación para coñecer a cara máis insólita dos comercios de Santiago que arrancou o mes de novembro do ano pasado, renóvase con novas funcionalidades e novos premios. A app está dispoñible en Apple Store e Play Store.

O alcalde anunciou este luns que o grupo de Goberno levará ao pleno do mes de maio a proposta para que Tussa se encargue da xestión do servizo da ORA e do guindastre. Martiño Noriega explicou que a decisión está amparada pola Asesoría Xurídica do Concello, que entende que "a aprobación inicial deste acordo non suporía adoptar ningunha decisión irreversible".