Noticias

Os Mighty Calacas presentarán o seu primeiro disco, Hot Pelucho Sounds o 7 de maio, ás 20:30 horas, na Sala Capitol, como aperitivo das festas da Ascensión e dentro do ciclo Blues Nite. Abrirán o concerto The Lákazans, unha banda principalmente de versións que conseguen levar a un terreo moi persoal.

As obras do novo parque interxeracional de Ramírez avanzan a bo ritmo malia as inclemencias meteorolóxicas. Así o puido constatar a concelleira de Obras e Infraestruturas, María Pardo, na visita que realizou á zona de actuación. Anunciou que mesmo se poderán adiantar os prazos e abrir o parque a principios de maio.

Este xoves 11 de abril, ás 21:00 horas, na Zona C (Bonaval, 1), cita con Disco las Palmeras! no Compostela Rock. As entradas está a venda a 6 euros (máis gastos de distribución) cunha oferta especial de entrada e vinilo a 12 euros. Como teloneiros contarán con Telephones Rouges, unha banda da escena underground galega.

A concelleira de Benestar Social reuniuse coa Asociación de Celíacos de Galicia. María Castelao comprometeuse cos seus representantes a colaborar na difusión das súas actividades.

O alcalde compostelán e presidente do Consorcio de Santiago, Ángel Currás, presentou o libro A cámara agrícola e pecuaria de Santiago (1903-1929), de Antonio Míguez e Miguel Cabo, coeditado polo Consorcio e Sotelo Blanco Edicións. O acto celebrouse na sede da Real Sociedade Económica de Amigos do País.

A concelleira de Turismo de Santiago, Reyes Leis, participou na terceira reunión técnica do grupo de traballo para o desenvolvemento e promoción turística conxunta dos concellos da área de influencia directa de Santiago.

O Concello de Santiago de Compostela, a través da Concellaría de Normalización Lingüística, convocou o I Concurso de Proxectos de Publicidade Comercial, baixo o lema "Brilla con novas ideas, en galego". Trátase dunha iniciativa pioneira coa que persegue achegar un incentivo para a galeguización tanto das empresas como dos establecementos comerciais e hostaleiros da cidade, ao mesmo tempo que pretende engadir valor e rendemento ás iniciativas publicitarias a través da intervención dos profesionais da...

O grupo de teatro do Local Sociocultural da Rocha representa A culpa foi do cha-cha-cha. A cita será o mércores 10 de abril, ás 19:30 horas, no Centro Sociocultural das Fontiñas.

Xerusalén acollerá o I Simposium internacional sobre peregrinacións verdes e accesibles, que se celebrará entre o 21 e o 26 de abril. Neste encontro participarán más de 600 profesionais de múltiples países e diferentes ámbitos, pero todos eles vinculados co desenvolvemento das rutas de peregrinación verde e accesible de todo o mundo.

A concelleira de Turismo e Economía, Reyes Leis, inaugurou no Cersia o Foro Aeroportuario de Galicia-Norte de Portugal, actividade organizada polo Clúster de Restauración, Hospedaxe e Turismo de Galicia en colaboración co Concello dentro do programa Santiago Investors Support.