FESTAS
Compostela afirma os seus lazos con Padrón
Compostela celebrou un ano máis o Día de Padrón. A cidade rendeu homenaxe á vila que foi primeira parada dos restos do Apóstolo á súa chegada a Galicia, segundo conta a tradición. Varios actos serviron para celebrar esta particular unión entre os dous municipios no marco das Festas.
ALCALDÍA
Os terreos de Bando para a construción dunha área deportiva serán propiedade do Concello en outono
O secretario de Estado de Defensa, Francisco Pardo Piqueras, mantivo unha xuntanza co alcalde de Santiago, Xosé A. Sánchez Bugallo, na que falaron sobre o futuro dos terreos militares de Bando.
FESTAS
Gran participación dos composteláns nas Festas do Apóstolo
Cumpridas as dúas semanas de Festas do Apóstolo 2006, Xosé Baqueiro, concelleiro de Festas de Santiago, fai un balance destes días onde o resultado supera as expectativas iniciais. Segundo sinala Baqueiro, "a participación deste ano é moi superior á do ano anterior, comezando polo pregón, onde se congregaron 16.000 persoas no Obradoiro".
FESTAS
La Oreja de Van Gogh regresa a Santiago para presentar o seu último traballo, "Guapa"
La Oreja de Van Gogh presenta en Santiago, o venres 28 de xullo, o seu último disco, "Guapa", co que conmemora o seu décimo aniversario no mundo musical. Segundo sinalan os compoñentes do grupo, "Guapa é a historia de quen non se da por vencido en na marabillosa viaxe de atoparse a un mesmo".
CONSORCIO
Máis de 15.000 persoas xa visitaron a exposición "Intramuros"
Dende a súa inauguración o pasado 14 de xullo, unhas 15.000 persoas achegáronse ata Intramuros, unha mostra que recrea a vida relixiosa e a arte nos conventos de clausura de Santiago de Compostela. O Consorcio e o Concello de Santiago abriron no emblemático edificio do Banco de España esta mostra singular e única para conmemorar o 15 aniversario da fundación do Real Patronato de Santiago
FESTAS
O ambiente festivo inunda cada recuncho de Compostela
Pasou o día grande das festas, o 25 de xullo, pero o ambiente festivo continúa. Milleiros de turistas e peregrinos seguen a encher rúas e prazas dende primeiras horas da mañá e senten cos veciños de Compostela os latexos dunha cidade viva.
REHABILITACIÓN
Emuvissa aproba o convenio que fixa o Programa de Edificios Tutelados
O alcalde compostelán, Xosé A. Sánchez Bugallo, presidiu o Consello de Administración da Empresa Municipal da Vivenda e Solo de Santiago de Compostela (Emuvissa), na que se aprobou o convenio que fixa o Programa de Edificios Tutelados. Esta iniciativa vai permitir nos vindeiros anos a rehabilitación e recuperación dalgúns edificios da zona histórica, que serán posteriormente alugados para recuperar o investimento realizados nos mesmos.
ALCALDÍA
O segundo clasificado do Tour de Francia, en Raxoi
O ciclista galego Óscar Pereiro segue a recibir o recoñecemento polo seu recente segundo posto no Tour de Francia. Despois das homenaxes que viviu na súa localidade natal de Mos (Pontevedra), o deportista achegouse a Compostela, onde tivo ocasión de intercambiar unhas verbas co alcalde santiagués, Xosé A. Sánchez Bugallo.
ALCALDÍA
Compostela e Santiago de los Caballeros, cidades irmás
O alcalde compostelán, Xosé A. Sánchez Bugallo e o alcalde de Santiago de los Caballeros (República Dominicana), José Enrique Sued, ratificaron o irmandamento que ámbalas vilas asinaran o pasado 25 de novembro en terras americanas. Nun acto celebrado en Raxoi, refrendaron os compromisos entre estas dúas cidades, que comparten nome, pero tamén experiencias comúns en cuestións turísticas, económicas, culturais e patrimoniais.
FESTAS
A Praza da Quintana rexistrará un cheo na presentación do último disco de Coti
O autor, produtor, compositor, músico e artista arxentino, Coti Sorokin regresa mañá a Santiago para presentar o seu último traballo, "Esta mañana y otros cuentos", co que xa logrou o recoñecemento da crítica e do público. As invitacións esgotáronse aos poucos días de ofrecerse. A cita será na Quintana, o xoves 27, ás 23:00 horas.