CENTROS SOCIOCULTURAIS
O Centro Sociocultural do Ensanche celebra o seu primeiro ano cunha semana chea de actividades
Do 31 de marzo ao 5 de abril, o Centro Sociocultural e Xuvenil Municipal do Ensanche acollerá a súa I Semana Social e Cultural. O evento servirá para celebrar o primeiro ano de vida deste complexo e contará con diversas actividades de música, teatro, arte ou gastronomía.
EDUCACIÓN
Máis de 800 rapaces participaron xa no Parque Infantil de Tráfico
Dende o 21 de febreiro e ata a data, 812 rapaces de 5º e 6º de Primaria participaron xa no Parque Infantil de Tráfico, que se ubica no Mercado Nacional de Amio. Esta actividade forma parte do Programa Municipal de Educación Viaria e na Autoprotección "¿Onde está o Perigo?".
ALCALDÍA
A Biblioteca Ánxel Casal abre as súas portas con 60.000 volumes e novidosos sistemas tecnolóxicos
Compostela conta coa súa nova Biblioteca Pública Ánxel Casal, que pon a disposición dos usuarios 60.000 volumes e os máis avanzados sistemas tecnolóxicos, coma un servizo de empréstito mediante radiofrecuencia.
ALCALDÍA
O Concello acometerá a remodelación das rúas Home Santo e Betanzos
O alcalde compostelán, Xosé A. Sánchez Bugallo, e o concelleiro de Infraestruturas e Relacións Veciñais, Bernardino Rama, mantiveron esta tarde unha reunión cos representantes da Asociación de Veciños "A Xuntanza", do barrio de San Pedro. Na mesma informáronlles das próximas actuacións que o Concello vai realizar neste ámbito, como as remodelacións das rúas Home Santo e Betanzos.
UMAD
Unha obra de teatro pechará o programa de prevención de drogas "Non pasa nada, ¿pasa algo?"
O espectáculo teatral Pisa la raya pechará o programa de prevención en drogodependencias Non pasa nada, ¿pasa algo?, desenvolvido ao longo do curso escolar 2007-08 entre 700 escolares de 4º da ESO. Trátase dunha obra destinada a fixar os conceptos traballados nos talleres formativos e informativos aos que os alumnos asistiron nos seus centros.
CULTURA
Continúan as actividades na exposición "A historieta galega 1973–2008"
O sábado 29 de marzo, de 10:00 a 13:00 horas, no Auditorio de Galicia, continúan as actividades da exposición A historieta galega 1973–2008.
CULTURA
O "Kiosko das almas perdidas" chega ao Auditorio
Os soportais do Pazo de Raxoi acolleron un pequeno adianto de Kiosco das almas perdidas, a última produción do Centro Dramático Galego. Os seus bailaríns recrearon unha pequena parte do espectáculo que se representará o sábado 29 e o domingo 30, ás 21:00 horas, no Auditorio de Galicia, no marco do ciclo SCQ Danza.
TURISMO
Pepe Solla imparte o derradeiro obradoiro de "Santiago de Compostela. Repetirás"
O programa gastronómico Santiago de Compostela. Repetirás ofrece o sábado 29 de marzo o derradeiro obradoiro gastronómico con lamprea, impartido polo recoñecido chef Pepe Solla. Tras cinco meses dedicados a achegar a composteláns e turistas o mellor da cociña galega de tempada, comezando polos cogomelos en novembro e continuando co polbo, co marisco e coa cociña do Entroido, a lamprea pon fin a esta singular iniciativa.
CULTURA
O Pleno aproba inicialmente o regulamento do Consello de Compostela Cultura
Cos votos favorables de PSdeG-PSOE e BNG e o negativo do PP, foi aprobado inicialmente o regulamento do Consello de Compostela Cultura. O documento será publicado no Boletín Oficial da Provincia (BOP) e abrirase entón un período de alegacións dun mes. Volverá entón ao Pleno para a súa aprobación definitiva, co obxectivo de que o Consello comece a funcionar no mes de xullo.
DEPORTES
Os xestores deportivos buscan en Compostela canles para a cualificación da súa profesión
O Salón Nobre da Casa do Concello acolleu a presentación do I Congreso Galego de Xestión Deportiva, que se celebrará no Palacio de Congresos o sábado 29 de marzo. O evento, organizado pola Asociación Galega de Xestores Deportivos (AGAXEDE), reunirá en Compostela a profesionais, estudantes dos ensinos de actividade física e persoal responsable no ámbito da xestión deportiva pública ou privada.