ALCALDÍA
Unha Comisión elixirá o proxecto para a remodelación da praza de Galicia
Unha Comisión será a encargada de estudar os anteproxectos gañadores do concurso de ideas para a remodelación da praza de Galicia, co fin de propoñer o máis idóneo nun prazo de dous meses. Así o anunciou o alcalde, Xosé A. Sánchez Bugallo, quen adiantou tamén que todos os cidadáns poderán tamén achegar as súas suxestións a través desta web.
ALCALDÍA
O alcalde recollerá en León o premio co que os arquitectos do noroeste recoñecen a xestión urbanísitica de Santiago
O alcalde compostelán, Xosé A. Sánchez Bugallo, recollerá o venres 18 en León o premio ARQAno ao fomento da Arquitectura 2007, outorgado polos Colexios Oficiais de Arquitectos do noroeste de España. Santiago foi premiada pola "continua e atenta xestión urbanística que incorpora a arquitectura coma un dos seus piares fundamentais".
UMAD
Cincocentos escolares asistirán á obra de teatro sobre prevención de drogas "Pisa la raya"
O espectáculo teatral Pisa la raya, da compañía Pikor Teatro, pechará o venres 18 o programa de prevención en drogodependencias Non pasa nada, ¿pasa algo?, promovido pola Unidade Municipal de Atención a Drogodependentes (UMAD) e desenvolvido ao longo do curso escolar 2007-08 entre estudantes de 4º da ESO. Uns 500 alumnos de oito colexios asistirán ás dúas representacións da obra no Teatro Principal, ás 10 e ás 12. O primeiro pase contará coa presenza da concelleira de.../em>
COMERCIO
As conferencias sobre comercio organizadas por Promoción Económica rematan cunha charla sobre axudas á innovación
A Fundación Caixa Galicia (rúa do Vilar, 19) acolle o venres, 18 de abril, de 20:00 a 21:30 horas, a última charla do ciclo Conferencias sobre Comunicación e Innovación para o pequeno comercio, organizadas pola Concellaría de Promoción Económica, Emprego, Comercio e Turismo dentro das actividades de Marzo, mes co comercio. A charla sobre Axudas á innovación no pequeno comercio será impartida polo subdirector xeral de Comercio da Consellería de Innovación e Industria,.../em>
ALCALDÍA
A Universidade de Arquitectura de Hanoi (Vietnam) interésase polo modelo de transformación urbana de Santiago
O reitor da Universidade de Arquitectura de Hanoi (Vietnam), Tran Trong Hanh, foi recibido en Raxoi polo alcalde compostelán, Xosé A. Sánchez Bugallo. No encontro, falaron sobre o modelo de transformación urbana de Santiago como un exemplo a estudar nos procesos de cambio que están vivindo as cidades vietnamitas a causa das migracións masivas procedentes do campo.
CULTURA
Catro novos programas de música, cine e animación á lectura enriquecen a programación cultural da cidade
A Concellaría de Cultura e a Consellería de Cultura deseñaron unha oferta cultural conxunta que inclúe música clásica actual, cinema e actividades de animación á lectura. En total, a cidade acollerá 12 concertos de música folk, fusión e canción de autor, 9 concertos de música antiga vocal e contemporánea, 40 proxeccións de documentais galegos e 60 actividades literarias.
ALCALDÍA
O presidente da Xunta respalda a participación de Santiago na Expo Shanghai 2010
O alcalde compostelán, Xosé A. Sánchez Bugallo, foi recibido este mediodía en San Caetano polo presidente da Xunta, Emilio Pérez Touriño, co que falou da participación de Santiago na Expo 2010 de Shanghai (China). O xefe do Executivo autonómico manifestoulle o seu total apoio a este proxecto, que máis alá do propia cidade, representará a Galicia nun evento internacional de gran magnitude.
CULTURA
Compostela Máxica chega ao Hospital Clínico e aos centros especiais na súa penúltima xornada
Compostela Máxica 2008. II Semana Internacional do Ilusionismo terá o venres 18 de abril unha das súas xornadas máis especiais por levar a maxia preto daqueles que teñen máis problemas. Así, chegará aos centros especiais e ao Hospital Clínico para repartir gargalladas e ilusións en sitios onde son máis necesarias aínda.