EDUCACIÓN
O Concello colabora co IES Rosalía de Castro na promoción do Bacharelato Internacional
O alcalde compostelán, Xosé A. Sánchez Bugallo, vén de asinar un convenio de colaboración co presidente do IES Rosalía de Castro, Ubaldo Rueda Soto, para apoiar o Bacharelato Internacional que está a promover o devandito instituto na cidade.
PROMOCIÓN ECONÓMICA
Unha nova guía para os emprendedores composteláns
O Concelleiro de Promoción Económica e Emprego, Xosé Manuel Iglesias, vén de presentar a "Guía do Emprendedor Compostelán". A guía configúrase como un instrumento imprescindible de cara a desenvolver un proxecto empresarial e materializalo nunha empresa. O seu obxectivo é dotar ao emprendedor local e aos empresarios do exterior que queiran asentarse en Compostela de toda a información e ferramentas necesarias para por en marcha e consolidar o seu negocio.
FACENDA
Os orzamentos municipais para 2007 ascenderán a 108 millóns de euros
O alcalde compostelán, Xosé A. Sánchez Bugallo, anunciou o acordo entre os dous grupos municipais de Goberno para os ornamentos de 2007, que ascenden a 108 millóns de euros, dos que 26,5 se destinarán a investimentos. Os orzamentos serán presentados en breve polo concelleiro de Facenda, Xaquín Fernández Leiceaga.
VIVENDA
Visto bo ao proxecto de expropiación do Sup-7 de Pontepedriña
O Consello de Administración da Empresa Municipal de Vivenda e Solo (Emuvissa) ratificou o acordo ao que se chegou co 96% dos propietarios do solo do Sup-7 de Pontepedriña II. Deste xeito, o proxecto de expropiación poderá someter probablemente á aprobación da Xunta de Goberno Local do luns 11 de decembro. Deste xeito cumpriranse os prazos e as obras estarán en marcha no mes de marzo.
ALCALDÍA
O alcalde recibe ao voceiro da Embaixada de Israel
A Casa do Concello acolleu a visita de Edwin Yaboo, voceiro da Embaixada de Israel, acompañado polo xornalista e promotor da Asociación Galega de Amizade con Israel Miguel Boo.
BENESTAR SOCIAL
Santiago contará cunha nova residencia para a terceira idade en Pontepedriña
O Concello de Santiago chegou a un acordo coa Vicepresidencia da Igualdade e do Benestar e coa Fundación de José Otero Otero e a súa dona para a construción dunha nova residencia para a terceira idade en Pontepedriña. O novo centro será sufragado pola devandita Fundación e xestionado pola Xunta. O Concello cede para o mesmo 5.000 metros cadrados de terreos municipais.
INFRAESTRUTURAS
O novo túnel de Galuresa terá 600 metros de longo e absorberá o 70% do tráfico
O Ministerio de Fomento remitiu ao Concello de Santiago o proxecto do túnel de Galuresa para que o Concello lle manifeste a súa conformidade. Así o fará, con simplemente algunhas suxerestións, na Xunta de Goberno local do luns 11 de decembro. Segundo indicou o alcalde compostelán, Xosé A. Sánchez Bugallo, o novo túnel permitirá absorber aproximadamente un 70% do tráfico que discorra pola zona.
PARQUES E XARDÍNS
Compostela renova a súa decoración para o Nadal
As rúas de Compostela contarán durante cinco semanas cunha nova e chamativa decoración de Nadal. O concelleiro de Parques e Xardíns, Bernardino Rama, presentou estas novidades, que consisten principalmente nuns pequenos parques luminosos que darán un colorido especial á diversas rúas da cidade durante estas datas.
NADAL
Os Reis Magos, principais protagonistas dos carteis de Nadal deste ano
Un cartel dun rapaz de cinco anos, Xan Limia García, do Colexio Vilas Alborada, foi o gañador da edición de 2006 do Concurso de carteis e do programa de Nadal. A estampa representa ao rei Baltasar, o protagonista de boa parte dos carteis presentados este ano xunto con Melchor e Gaspar.
LINGUA
Os gañadores do Manuel Beiras recibiron os seus premios
Os premiados do Manuel Beiras deste ano recibiron o seu galardón no transcurso dunha cea no Hotel Araguaney, á que asistiron representantes do mundo político, académico e empresarial da cidade. O premio, convocado pola concellaría de Política Lingüística do Concello de Santiago e a Cámara de Comercio, chegou así á súa sétima edición premiando ás empresas compostelás Aceiro e T44 e facendo unha distinción especial a Xaquín Mato da papelería Xaquín. O alcalde...