XUNTA DE GOBERNO
Listas para o seu comezo outras nove obras do Fondo de Investimento Local
A Xunta de Goberno, en sesión extraordinaria, elevou a definitivas as adxudicacións de nove obras máis das financiadas polo Fondo de Investimento Local. Así, están xa listas para comezar as reurbanizacións das rúas Trinidade, Belvís, Olvido, Pérez Constante, Curros Enríquez, Londres e do tramo das rúas Vilagarcía, García Prieto e Sánchez Freire. Tamén se iniciará a reforma do centro sociocultural de Laraño e a rehabilitación do pavillón polideportivo de Quiroga...
EDUCACIÓN
Os escolares de primaria composteláns deseñarán o logotipo do novo aparcadoiro público da Choupana
A Concellería de Educación colabora coa empresa Metrovacesa, a través da súa filial de aparcadoiros Metropark, na organización dun concurso de pintura para elixir o logotipo do novo aparcadoiro público da Choupana, situado a carón do Hospital Clínico.
ALCALDÍA
O alcalde recibiu ao comisario europeo de Multilingüismo
O alcalde compostelán, Xosé A. Sánchez Bugallo, recibiu en Raxoi ao comisario europeo de Multilingüismo, Leonard Orban.
CONSORCIO
Unha nova publicación rememora a vida musical da Compostela de finais do XIX
La vida musical en Santiago a finales del siglo XIX é o título do novo libro de María García Caballero, publicado polo Consorcio en colaboración con Alvarellos Editora. A publicación foi presentada polo alcalde compostelán e presidente do Consorcio, Xosé A. Sánchez Bugallo, dentro dos actos de conmemoración do XXX aniversario das corporacións democráticas.
ALCALDÍA
O alcalde explica o desenvolvemento urbanístico de Santiago a alumnos do Curso Superior de Urbanismo da EGAP
O alcalde compostelán, Xosé A. Sánchez Bugallo, ofreceu unha charla aos alumnos e alumnas do Curso Superior de Urbanismo organizado pola EGAP sobre a historia do urbanismo na nosa cidade.
CENTROS SOCIOCULTURAIS
Entrega dos premios de relato curto e poesía dos centros socioculturais
Entregáronse no Salón Nobre de Raxoi os premios da do VIII Certame Literario de Relato Curto e VI de Poesía que organiza a Concellería de Centros Socioculturais. O premio de relato curto foi para Estíbaliz Espinosa por Pro Videncia, mentres que o de poesía ficou deserto, cun galardón simbólico, ex-aequo, para Arsenio Iglesias Pazos e Elisa Abal Santórum.
CULTURA
Laura Alonso ofrece un concerto a beneficio da Asociación Española contra o Cancro
Presentouse en rolda de prensa o recital que vai ofrecer a soprano galega Laura Alonso a beneficio da Asociación Española Contra o Cancro (AECC), o luns 27 de abril, ás 21:00 horas, no Auditorio de Galicia.
MOBILIDADE E INFRAESTRUTURAS
As obras do túnel do Hórreo obrigan a deixar dous carrís no tramo inicial de Romero Donallo durante vinte días
As obras do túnel do Hórreo entran nunha nova fase que obrigará a derrubar a mediana da rúa Romero Donallo e a deixar o primeiro tramo desta con dous carrís por un período aproximado de tres semanas. Esta actuación, destinada a repoñer a rede de colectores da zona, comezará o luns 27.
SEGURIDADE CIDADÁ
Álvarez-Santullano destaca os bos resultados das políticas municipais para minimizar os efectos do botellón e acoutar o problema
A concelleira de Mobilidade e Seguridade Cidadá, Marta Álvarez-Santullano, defendeu en rolda de prensa as diferentes políticas postas en marcha polo Goberno municipal para "minimizar os seus efectos e ir acoutando o problema". Segundo dixo, "ese é o camiño" para reducir o botellón, algo que se ten constatado ao comparar as cifras coas de hai un ou dous anos.
XUVENTUDE
O hip hop, protagonista da segunda final de "MúsicaXove’09"
A segunda edición do Certame MúsicaXove, organizado pola Concellaría de Xuventude, ten o xoves 23 de abril a súa segunda cita. Esta vez será a final de hip hop, onde se enfrontarán os grupos Tramaturgia, Mito Escrito e Bronquitis Crónica.