NORMALIZACIÓN LINGÜÍSTICA
O Concello renova o seu compromiso coa normalización social da lingua galega
A concelleira de Normalización Lingüística, Guadalupe Rodríguez, acompañada pola concelleira de Cultura, Socorro García Conde, presentou a declaración institucional que, 25 anos despois da "Declaración dos alcaldes galegos reunidos en Santiago de Compostela", realiza o Concello. Aprobada previamente en Xunta de Goberno extraordinaria, este documento demanda o impulso social da lingua galega e reitera o compromiso adquirido polo Concello no proceso de normalización da lingua.
ALCALDÍA
O vieiro de Cornes integra o cuarto xiro na trama urbana da cidade
O vieiro do polígono 1 do SUP-2 de Cornes, inaugurado polo alcalde, Xosé A. Sánchez Bugallo, permitirá integrar na trama urbana da cidade a obra do cuarto xiro de Cornes do periférico. Ademais, servirá de novo punto de acceso dos novos polígonos, da rúa Sánchez Freire e Pontepedriña ao periférico. É tamén un enlace alternativo para o tráfico mentres duren as obras do túnel do Hórreo.
ALCALDÍA
A nova estación depuradora da conca do río Aríns poderá atender a máis de 16.000 habitantes
O alcalde compostelán, Xosé A. Sánchez Bugallo, e o conselleiro de Medio Ambiente, Agustín Hernández, visitaron a nova estación depuradora da conca do río Aríns. Está previsto que esta infraestrutura medioambiental se poña en marcha no prazo dun mes e medio.
LETRAS GALEGAS
Ábrese a primeira zona oficial adscrita ao Libro-Libre en Compostela
O Centro de Interpretación Medioambiental da Alameda foi o espazo escollido como a primeira zona adscrita ao Libro-Libre en Santiago. O alcalde compostelán, Xosé A. Sánchez Bugallo, uniuse a esta iniciativa e liberou libros neste lugar, no marco dos actos de A Revolta das Letras, con motivo do Día das Letras Galegas.