INFRAESTRUTURAS
O novo enlace entre Sar e Pontepedriña abre unha alternativa á rotonda de Galuresa
Os composteláns dispoñen xa dunha nova estrada entre Sar e Pontepedriña, que aliviará a circulación nunha das principais áreas de entrada á cidade. A vía abriuse nun acto no que participaron, entre outros, o alcalde de Santiago, Xosé A. Sánchez Bugallo; o secretario de Estado de Infraestruturas e Planificación, Víctor Morlán Gracia; a conselleira de Política Territorial, María Xosé Caride, e o delegado do Goberno en Galicia, Manuel Ameijeiras.
FESTAS
Leilía repasou a súa historia musical na Quintana
A Praza da Quintana foi escenario do espectáculo único preparado por Leilía para as Festas do Apóstolo. As cinco compoñentes da formación estiveron acompañadas de amigos como Antón Seoane e Nando Casal (Milladoiro), Xosé Manuel Budiño ou Eric Liorzou de Bleizi Ruth.
ALCALDÍA
Pechado o acordo para a construción da estación intermodal do AVE
O alcalde de Santiago, Xosé A. Sánchez Bugallo, aproveitou a visita do secretario de Estado de Infraestruturas e Planificación, Víctor Morlán, con motivo da apertura do vieiro Sar-Pontepedriña, para abordar diversas cuestións que afectan ás infraestruturas da cidade. Entre elas, confirmou que xa está listo para a súa sinatura o convenio entre o Ministerio de Fomento, a Consellería de Política Territorial e o Concello de Santiago que posibilitará a construción da nova estación do AVE.
FESTAS
Centos de persoas pasearán polas rúas de Compostela co tradicional traxe galego
O concelleiro de Festas de Santiago, Xosé Baqueiro, e a presidenta da Asociación do Traxe Galego, Pilar Domínguez, presentaron a vixésimo oitava edición do Día do Traxe Galego, que terá lugar dentro do marco das Festas do Apóstolo o venres, 28 de xullo. Pilar Domínguez fixo un percorrido pola historia desta celebración e da Asociación do Traxe Galego, lembrando o crecemento que experimentou nos últimos anos a participación da xente neste día. Ademais, resaltou que a Asociación...
FESTAS
Joaquín Cortés chega a Santiago para presentar o seu espectáculo "Mi soledad"
O bailarín Joaquín Cortés ofrece o venres 20 unha rolda de prensa no Concello de Santiago para presentar o seu último espectáculo, "Mi soledad", que representará na Quintana o sábado 22 de xullo. Antes, ás 17:45 horas, será recibido en Raxoi polo alcalde de Santiago, Xosé A. Sánchez Bugallo.
FESTAS
Preto de 300 músicos encheron de son as rúas compostelás
Seis bandas dos concellos de Teo, Ribadeo, Boiro, Celanova, O Rosal e Baiona percorreron as rúas do casco histórico na xornada do mércores 19. Celebrouse así unha nova e exitosa edición da Homenaxe ás Bandas Populares, que nesta ano 2006 chegaba á súa vixésimo oitava edición.
INFRAESTRUTURAS
Aberta de novo ao tráfico a estrada de San Lourenzo
A renovada estrada de San Lourenzo xa está aberta ao tráfico. Instalada a sinalización vertical e habilitados os pequenos aparcadoiros para os veciños da zona, o vieiro xa permite de novo aos automóbiles desprazarse dende a rotonda do Clínico ata Poza de Bar.
CENTROS SOCIOCULTURAIS
Actividades para todos e de balde no Centro Sociocultural de Conxo
No que queda de mes de xullo continúan a desenvolverse as diversas actividades programadas polo Centro Sociocultural de Conxo. Cursos, excursións, xogos e cine ao aire libre integran a ampla oferta do centro para estes días estivais.
EDUCACIÓN
Ferradura Aberta: a oferta lúdica continúa
Despois de dez días, continúan as actividades de Ferradura Aberta, que se prolongarán ata o venres 28 de xullo no Paseo da Ferradura. Unha media duns 700 rapaces están a participar cada día no programa, aberto a rapaces e rapazas de dous a catorce anos, con eventos específicos para cada grupo de idade. De luns a venres, a partir das 17:00 horas, a cita segue a ser obrigada na Alameda.
FESTAS
Luar na Lubre presenta o seu último disco en Santiago como homenaxe á emigración e ao exilio galego en Latinoamérica
As Festas do Apóstolo acollen o venres 21 o "Compostela Festival", no que participarán Luar na Lubre e Bumba, con compoñentes de Mozambique e Galicia. A cita terá lugar ás dez da noite na Praza da Quintana e a entrada é gratuíta.