COMERCIO
Ábrese o prazo de preinscrición no III Compostela Outlet
O concelleiro de Promoción Económica, Emprego, Comercio e Turismo, Xosé Manuel Iglesias, presentou a III Feira de comercio polo miúdo, Compostela Outlet, que se celebrará o 14 e o 15 de marzo no Recinto Feiral de Amio. Este edición increméntase a superficie de venda subvencionada e ofrécese aos comerciantes a posibilidade de ter postos máis grandes.
TURISMO
Santiago, entre as sete cidades fundadoras da Asociación Española de Turismo Gastronómico
Turismo de Santiago asinou no marco de Fitur un protocolo de colaboración para a creación da Asociación Española de Turismo Gastronómico, que tamén foi asinado por Cambrils, Xixón, Lanzarote, Lleida, San Sebastián e Valladolid.
TRANSPORTES
Carlos Nieves mantivo un encontro coa ministra Elena Salgado no transcurso dun seminario en Guimaraes
O concelleiro de Transportes e Mercados, Carlos Nieves, que se atopa na cidade portuguesa de Guimaraes participando no Seminario "Cooperación Transfronteiriza de Segunda Xeración", aproveitou para reunirse coa ministra das Administracións Públicas, Elena Salgado, coa que comentou os próximos proxectos transfronteirizos que se van abordar dende a plataforma do Eixo Atlántico e que afectan dun xeito relevante a Santiago.
XUNTA DE GOBERNO
Festas destina máis de 120.000 euros ás festas do Antroido
A Xunta de Goberno local aprobou un orzamento de 120.498 euros para as festas do Antroido. Entre outros acordos, tamén se deu o visto bo a obras de reforma do alumeado público en Pontepedriña e a varios programas educativos e de centros socioculturais.
TRANSPORTE
Todas as solucións de mobilidade, a un clic na nova web de TUSSA
O concelleiro de Transportes, Carlos Nieves, presentou o novo portal web da Sociedade Municipal de Xestión do Transporte Urbano de Santiago, TUSSA. A páxina ofrece a un clic, en tempo real e dun xeito doado, todas as solucións de mobilidade na cidade.
EDUCACIÓN E SANIDADE
Charla sobre alimentación saudable e dieta atlántica no marco do programa Thao Saúde Infantil
O Concello, en colaboración coa Universidade de Santiago, organiza unha charla-informativa o mércores 4 de febreiro, ás 20:00 horas, na sede da Fundación Caixa Galicia (rúa do Vilar, 19). A sesión, que sen enmarca nas actividades do programa Thao Saúde Infantil, versará sobre a alimentación saudable e a dieta atlántica.
CULTURA
Inaugúrase a mostra fotográfica "Retratos de auga", de Fuco Reyes
O Museo do Pobo Galego acolle unha mostra fotográfica de Fuco Reyes baixo o título Retratos de auga. A exposición, organizada pola Concellaría de Cultura e Centros Socioculturais, abrirase o mércores 4 de febreiro ás 20:00 horas.
SEGURIDADE CIDADÁ
O Concello concede ao PP un prazo de dous días para legalizar os carteis da precampaña
O venres 30 de xaneiro, a policía municipal identificou a un empregado de SPI Rótulos e Servizos que se atopaba colocando carteis preelectorais do Partido Popular na Avenida de Lugo sen autorización. Os axentes indicáronlle que debía retiralos e posteriormente comprobouse a súa retirada.
PLENO
O Pleno aproba un orzamento consolidado de 159 millóns de euros no que prima o gasto social e as políticas de emprego
Cos votos favorables do grupo de Goberno e o negativo do PP, foron aprobados os orzamentos municipais para 2009 nun Pleno extraordinario. A cifra consolidada para este exercicio, sumado o orzamento municipal e o dos organismos autónomos e empresas xestionadas polo Concello, ascende a 159,2 millóns de euros.