ALCALDÍA
O Concello achega máis de 100.000 euros a cinco proxectos sociais
O alcalde compostelán, Xosé A. Sánchez Bugallo, asinou cinco convenios de colaboración con outras tantas asociacións do ámbito sociosanitario por un importe global de 109.051 euros. Trátase de Cáritas Interparroquial, Asociación Centro Cultural-Social Xoán XXIII, Fundación Monte do Gozo – Proxecto Home; Cruz Vermella e Cáritas Diocesana.
ALCALDÍA
Santiago será escenario dun congreso estatal do sindicato Comisións Obreiras
O alcalde compostelán, Xosé A. Sánchez Bugallo, recibiu en Raxoi a Carlos Gesto, representante de Comisións Obreiras (CC.OO).
COMERCIO
Unha nova campaña promove as compras nos comercios da cidade durante o Nadal
O concelleiro de Promoción Económica e Comercio, Xosé Manuel Iglesias, presentou o I Concurso catálogo de promoción comercial de Compostela Regalar custa pouco. Este programa ten como obxectivo potenciar as compras nos estabelecementos comerciais da cidade durante o Nadal. Os comerciantes que presenten as mellores propostas poderán ver os seus produtos recollidos nun catálogo, xunto á identificación do comercio, que se distribuirá entre a cidadanía de Compostela en comercios, restaurantes, oficinas do...
CULTURA
Cineuropa 2008 achégase ao extremo oriente na sección Mundo Asia
O Festival Cineuropa, organizado pola Concellaría de Cultura, ten amosado en edicións anteriores unha especial sensibilidade cara ás creacións procedentes de países orientais que nos permiten un achegamento profundo a unha cultura tan arredada como engaiolante. Na edición de 2008 os filmes procedentes do extremo oriente agrúpanse na sección Mundo Asia, composta por oito obras dalgúns dos autores máis nomeados do continente asiático.
CIDADE HISTÓRICA
Aprobado o proxecto de Gallego Jorreto para transformar o Banco de España no Museo de Santiago e das Peregrinacións
Na xuntanza mantida polos membros da Comisión Asesora do Casco Histórico quedou aprobada a remodelación que converterá o edificio do antigo Banco de España na sede do Museo Nacional de Santiago e das Peregrinacións. O edificio da Praza das Praterías forma parte do patrimonio non catalogado dentro do recinto de intramuros e requiriu unha modificación do Plan Especial para adaptar o seu uso.
TRANSPORTES
Santiago contará con tres taxis adaptados en 2009
O concelleiro de Transportes, Carlos Nieves, anunciou que en 2009 o Concello concederá licenzas para tres taxis adaptados. Así se contempla no plan de implantación deste transporte contemplado polo Concello, que levará a un total de oito vehículos adaptados en 2017.
TRANSPORTES
O servizo de aluguer de bicicletas supera os 350 usuarios nos primeiros catro meses de funcionamento
Son xa 357 os usuarios do servizo municipal de aluguer nos primeiros catro meses de funcionamento. Así o indicou o concelleiro de Transportes, Carlos Nieves, que fixo un balance positivo da implantación deste sistema, que se traduciu en 1.891 desprazamentos neste período.
CULTURA
O fenómeno "Gomorra" chega a Cineuropa
A XXII edición do Festival Cineuropa, organizado pola concellaría de Cultura, permitirá aos afeccionados ao cinema coñecer de primeira man o que está a ser, sen dúbida, o filme do ano: Gomorra. A película, de Matteo Garrone, conta a historia do crime organizado iniciado pola mafia napolitana. Separado en cinco episodios ben definidos, o filme relata a historia dun territorio delimitado polas localidades de Secondigliano, Nápoles, Castelvolturno e Terzigno, rexido polo poder, a corrupción, a violencia e o crime.
TURISMO
Comezan os Talleres gastronómicos para nenos e as catas de viños e produtos galegos de "Santiago Repetirás"
O Hostal dos Reis Católicos acollerá o sábado 15 de novembro as primeiras actividades gastronómicas do Programa de Desestacionalización organizado por Turismo de Santiago, Santiago Repetirás. Serán os Obradoiros gastronómicos para rapaces de entre 6 e 12 anos e as catas de produtos galegos maridadas cos viños do país con Denominación de Orixe. As actividades, ademais de aos visitantes, están abertas tamén a todas as persoas de Santiago que queran participar. As reservas poden facerse en...
EDUCACIÓN
Aberto o prazo para presentar candidaturas aos Premios Vagalume 2008
A concelleira de Educación, Guadalupe Rodríguez, presentou a convocatoria da XVI edición dos Premios Vagalume. Estes galardóns recoñecen o traballo de colectivos ou de persoas individuais que desenvolven as súas actividades cunha clara vocación social no municipio de Santiago.