EDUCACIÓN
As sesións de dinamización educativa chegan á escola de O Rial-Laraño
Tralo paso pola escola de O Gaioso-Eixo, as sesións de dinamización educativa nas escolas rurais chegan o xoves 9 de novembro á de O Rial-Laraño. Asistirán os escolares deste centro e os da Peregrina e Feáns-Villestro.
FUNDACIÓN GRANELL
A Fundación Granell conmemora o nacemento do artista
Como ven sendo habitual dende desde hai anos, a Fundación Granell realiza un acto de conmemoración do nacemento do artista no mes de novembro. En 2006 a conmemoración consistirá nunhas xornada de portas abertas da institución do 22 ao 29 de novembro.
TURISMO
O tráfico de Lavacolla medra un 18% respecto a outubro de 2005
Segundo estimacións de Turismo de Santiago, o aeroporto compostelán rexistrou o mes de outubro uns 180.000 viaxeiros, o que supón unha suba do 18% respecto ao mesmo período en 2005 e unha media de crecemento acumulado do 9,5% no que vai de ano. Estas satisfactorias cifras únense ás de ocupación hoteleira, que alcanzaron o 61,6%.
TURISMO
A campaña "Vivir Compostela" conclúe con máis de 3.200 participantes
A campaña municipal de sensibilización fronte ao turismo chegou no mes da súa reedición a máis de 3.000 participantes e converterase en programa anual a partir de outono do 2007.
CULTURA E DEPORTES
O mellor hip-hop no Multiusos de Sar
O venres 10 de novembro celebrarase no Multiusos de Sar a cuarta edición do Microfest. O festival, que conta coa colaboración do Concello de Santiago, contará coa presenza de Tote King, Juaninacka, Mucho Múchacho e Violadores del Verso. O evento contará tamén cunha serie de actividades paralelas. A entrada para para o Microfest custa 25 euros de forma anticipada e 28 euros en taquilla.
CULTURA
Nova edición do Premio de investigación sobre o traxe tradicional galego "Antonio Fraguas"
Na primeira quincena de decembro fallarase o XII Premio de investigación sobre o traxe tradicional galego "Antonio Fraguas", o único deste tipo existente na Comunidade Autónoma. Nesta edición, o galardón, que busca divulgar o máis amplo coñecemento do traxe galego, contará cun orzamento de 2.400 euros, dos que 1.800 se destinarán a premios.
EDUCACIÓN E MOCIDADE
Os mozos e mozas de Compostela teñen unha cita na Alameda co programa "Xuventude, moito que dicir"
O Concello de Santiago e a Fundación "la Caixa" poñen en marcha unha serie de iniciativas para os mozos e mozas de Santiago, a través dun programa xenérico que leva por título "Xuventude, moito que dicir". Trátase dun programa itinerante que recoñece e destaca o papel activo dos máis novos na construción da sociedade e que promove entre eles valores éticos e de convivencia como a responsabilidade, o compromiso, o esforzo e o civismo.
CONSORCIO
O violinista Daniel Hope acompaña á Real Filharmonía con obras de Falla, Hallfter e Bernstein
O prestixioso violinista británico Daniel Hope acompañará á Real Filarmonía de Galicia nun concerto que repasará "Fuego Fatuo", unha das obras máis recoñecidas de Manuel de Falla. O repertorio do xoves 9 complétase coa "Obertura festiva", de Rodolfo Halffter, e unha serenata de Leonard Bernstein.
ALCALDÍA
O alcalde asiste á X Edición de "Barcelona Meeting Point"
O alcalde compostelán, Xosé A. Sánchez Bugallo, desprazarase na xornada do mércores 8 á cidade condal para asistir á X Edición de "Barcelona Meeting Point", un encontro cuxa sesión plenaria versará sobre arquitectura e urbanismo, e que contará coa presenza de relevantes figuras internacionais nestes campos. O xoves, o rexedor santiagués visitará Casa Asia, unha entidade que promove a cooperación entre Europa e os países asiáticos.
RELACIÓNS VECIÑAIS
Os veciños debaterán sobre o modelo de cidade
O urbanismo e o modelo de cidade son os tema sobre os que versará a cuarta edición das Xornadas do Asociacionismo Veciñal de Compostela. A cita é do 23 ao 25 de novembro no Centro Sociocultural das Fontiñas.