CENTROS SOCIOCULTURAIS
Luz Castro presenta "O home definitivo" na Trisca
O Centro Sociocultural da Trisca inaugura o próximo venres 15 de decembro, ás 20:30 horas, a exposición "O home definitivo", de Luz Castro. Esta mostra estará aberta ao público ata o 22 de xaneiro. Ademais percorrerá diferentes centros socioculturais da cidade durante os vindeiros meses.
EDUCACIÓN
A Escola Municipal de Música presenta a súa orquestra
Con motivo do Nadal, a Escola Municipal de Música preparou unha serie de actividades, que pretenden dar a coñecer o traballo que se realiza neste centro. Un conto musical en colaboración co Centro Especial de Xordos, un curso de musicoterapia e un concerto da orquestra e coro do centro son os eventos programados.
EDUCACIÓN
O Nadal tamén se celebra danzando
Alumnas de catro centros educativos compostelás celebrarán o Nadal bailando sobre as táboas do Teatro Principal o luns 18 de decembro. "Nadal de Danza" é o título dun espectáculo que reflectirá o traballo realizado nesta disciplina artística, impartida como actividade extraescolar, nos colexios e institutos da cidade.
FESTAS
Actividades no Nadal para os máis pequenos
A concellaría de Festas, xunto con ACOTES e o Centro Comercial Aberto do Ensanche, realizará actividades nestes días próximos ao Nadal en distintos puntos da cidade.
CONSORCIO DE SANTIAGO
Maximino Zumalave dirixe á Real Filharmonía de Galicia nun concerto no Auditorio Nacional de Música de Madrid
A Real Filharmonía sae de Santiago para actuar o venres 15 nun senlleiro concerto en Madrid. Trátase da tradicional cita de Nadal que se enmarca na XVII edición do Ciclo de concertos da Universidad Politécnica de Madrid. Deste xeito, as festas de Nadal na capital de España collen un sabor galego, coa interpretación da obra "O mencer dos soños", do coruñés Xabier de Paz.
ALCALDÍA
Europa e Iberoamérica, unidos pola literatura
Do 14 ao 16 de decembro celébrase en Santiago o I Encontro Internacional de Escritores en Compostela: "De pedra e de palabra", organizado polo Pen Club Galicia. Máis de 50 escritores, europeos e latinoamericanos fundamentalmente, participan neste evento, que ten previsto diversos debates, recitais e espectáculos literario-musicais. Escritores como Nélida Piñón, Antonio Skármeta ou Bryce Echenique estarán entre os presentes.
CULTURA
"Implícate": unha chamada á solidariedade e á reflexión
Co obxectivo de facer unha chamada á solidariedade e á reflexión, o Auditorio de Galicia acolle por segundo ano o evento "Implícate! Noite de música e palabra solidaria", organizada pola ONG Implicadas no Desenvolvemento (IND). Un bo número de artistas galegos de diversas disciplina colaborarán desinteresadamente neste espectáculo, cuxa recadación será destinada a financiar proxectos de cooperación para o desenvolvemento. A cita é o sábado 16 ás 20:00 horas.
URBANISMO
A revisión do Plan xeral de ordenación municipal xa pode ser consultada nesta web
O documento revisado de aprobación provisional do Plan Xeral de Ordenación Municipal (PXOM) xa pode ser consultado na páxina web do Concello de Santiago. Un enlace no portal municipal leva directamente aos contidos do Plan, unha vez integradas as alegacións aprobadas. O documento revisado foi aprobado polo Pleno municipal o día 26 de outubro de 2006 e remitiuse á Consellería de Política Territorial, Obras Públicas e Transportes para a súa aprobación definitiva.
EDUCACIÓN
Marián Araujo, Panxea e a Asociación de Celíacos de Galicia gañan os Premios Vagalume 2006
A concelleira de Educación e Mocidade, Elvira Cienfuegos, anunciou o nome dos gañadores dos Premios Vagalume 2006. Nesta XIV edición os galardoados foron Marián Araujo Muíños, a Asociación para o Comercio Xusto e Solidario Panxea e a Asociación de Celíacos de Galicia (ACEGA). Este programa recoñece o traballo realizado na cidade cunha clara vocación social e pretende estimular a cooperación, a solidariedade e a igualdade entre os composteláns.
CULTURA
Hector Alterio volve ao Principal con "El Túnel"
O actor arxentino Héctor Alterio volve a Compostela para representar "El Túnel", de Ernesto Sábato. As dúas funcións, o mércores 13 e o xoves 14, ás 21:00 horas, pechan Teatro en Xira 2006.