ALCALDÍA
A nova comisaría da Policía Nacional en Santiago estará lista para o outono
O novo delegado do Goberno en Galicia, Miguel Cortizo, realizou a súa primeira visita institucional ao Concello, onde se reuniu co alcalde compostelán, Xosé A. Sánchez Bugallo. Foi momento para repasar as actuacións que o Goberno ten en marcha ou vai iniciar en Santiago, como o túnel do Hórreo, a terminal de Lavacolla ou o novo cuartel da Policía Nacional, entre outros.
CULTURA
Novas seccións que abordan a realidade social na VIII edición de Curtocircuíto
Cine-concerto na inauguración, modificacións na sección Compostelae, un concurso das escolas galegas e un encontro dos centros audiovisuais de Galicia e novas seccións sobre temática social son as novidades deste VIII edición de Curtocircuíto, Festival Internacional de Curtametraxes. O evento, que comeza o veneres 6 de maio, foi presentado pola concelleira de Cultura e Centros Socioculturais, Socorro García Conde; Tim Redford, director do Festival, e Jorge Coira, director de cine e membro do xurado das distintas competicións.
ALCALDÍA
O Concello achega case 60.000 euros a sete asociacións do ámbito sociosanitario
O alcalde compostelán, Xosé A. Sánchez Bugallo, asinou sete convenios con outras tantas entidades do ámbito sociosanitario, ás que o Concello achega un total de 58.535 euros. As entidades asinantes foron: Asociación Síndrome de Down, Asociación de Pais de Persoas con Trastornos do Espectro Autista da Provincia da Coruña (ASPANAES), Fundación Secretariado Xitano, Asociación de Persoas Xordas de Santiago, Asociación de Pais de Persoas con Discapacidade Intelectual (ASPAS), Fundación Monte do Gozo-Proxecto...
INFRAESTRUTURAS
Tres actuacións comezan á reurbanización interior do barrio de Vista Alegre
O barrio de Vista Alegre dará un "salto na súa calidade urbana" coa reurbanización das súas rúas e prazas, contemplada na iniciativa Urbana Santiago Norte, financiada con fondos FEDER. Así o indicou o concelleiro de Obras e Infraestruturas, Bernardino Rama, que explicou as tres primeiras actuacións na praza de Álvaro Cunqueiro, na rúa de Noia e na rúa paralela ao parque de Xoán XXIII.
CIRCULACIÓN VIARIA
A reserva de prazas para residentes estenderase ao casco histórico en 2012
A concelleira de Circulación Cidadá, Marta Álvarez-Santullano, anunciou que a implantación das zonas de estacionamento para residentes estenderase nunha segunda fase á zona histórica. Será en 2012, unha vez rematada a primeira fase, da que aínda faltan por completarse as zonas de Sar, San Lourenzo, Pelamios, Vista Alegre e Santa Marta.
EDUCACIÓN
As dúas mellores obras escolares do Certame de Teatro Intercentros representaranse no Principal os días 16 e 18 de maio
O XVI Certame de Teatro Intercentros alcanzou unha nova edición, convertido xa nunha cita tradicional do calendario educativo do curso. Organizado pola Concellería de Educación e a Coordinadora de Equipas de Normalización Lingüística de Santiago, o evento conta este ano con 14 representacións, que poñen en escena os alumnos de dez centros escolares.
EDUCACIÓN
A Escola Municipal de Música incorpora novas propostas para o curso 2011-2012
A concelleira de Educación, Mercedes Rosón, acompañada pola directora e xefe de estudos da Escola Municipal de Música, Sara Domínguez e Mario Diz, deu a coñecer os prazos de matriculación da Escola Municipal de Música. Para este novo curso, o centro fai unha aposta decidida por materias como a música tradicional, a ensinanza infantil, a música moderna ou a danza.
XUNTA DE GOBERNO
A Xunta de Goberno inicia a contratación do servizo de atención domiciliaria á infancia
A Xunta de Goberno iniciou o expediente para contratar o Servizo de atención domiciliaria e comunitaria á infancia. Ademais, aprobou cinco convenios con entidades sociais e o orzamento para unha nova edición da Festa dos Maiores.
CULTURA
Les Slovaks traen dous espectáculos a SCQ Danza: "Whitin" e "Journey Home"
O ciclo SCQ Danza, que organiza a concellaría de Cultura, ten unha nova cita no calendario o mércores 4 e o xoves 5 con Les Slovaks. É o derradeiro dos espectáculos que a Concellaría ofrece este semestre dentro deste programa dedicado á danza contemporánea, logo de que por motivos alleos á organización houbera que pospoñer o espectáculo de Experimentadanza previsto para o mes de xuño.
EDUCACIÓN
Os gañadores composteláns do programa didáctico "Coñecer as Cidades Patrimonio" pasan uns días en Ávila
Un grupo de alumnas e alumnos de 2º da ESO do IES Rosalía de Castro pasan uns días en Ávila, como gañadores composteláns desta edición do programa didáctico Coñecer as Cidades Ptrimonio. Na anterior semana foran os escolares abulenses os que visitaran Santiago.