EDUCACIÓN
Concello e Xunta investirán preto de 200.000 euros en obras prioritarias en oito colexios
A concelleira de Educación, Rebeca Domínguez, e o xefe territorial de Educación, Indalecio Cabana, deron conta do compromiso entre os seus respectivos departamentos para executar unha serie de obras prioritarias en oito centros escolares. Estas actuacións suporán un investimento conxunto duns 200.000 euros.
MULLER
Gran lazo violeta de mil flores artesanais contra a violencia de xénero
O Equipo de Dinamización Social Urbana Santiago Norte, da Concellaría de Familia, Benestar Social, Muller e Emprego organizou unha actividade de participación cidadá para conmemorar o Día Internacional contra a Violencia de Xénero, celebrado o 25 de novembro. Finalmente, o gran lazo violeta previsto formouse na Casa das Asociacións de Benestar Social e non na avenida de Xoán XXIII polas inclemencias meteorolóxicas.
MEDIO AMBIENTE
Unha carpa na praza Roxa informa os cidadáns sobre as mellores prácticas ambientais na xestión diaria dos residuos
A concelleira de Medio Ambiente, María Castelao; o secretario xeral de Calidade e Avaliación Ambiental, Justo de Benito; e o presidente da Sociedade Galega do Medio Ambiente (Sogama), Luis Lamas, visitaron a carpa de reciclaxe instalada na praza Roxa. A mesma forma parte da campaña "Separemos ben, reciclaremos mellor", impulsada pola Consellería de Medio Ambiente e Ecoembes nun total de 66 concellos.
TURISMO
As Cidades Patrimonio promocionan a súa gastronomía en Madrid
O alcalde compostelán, Ángel Currás, presentará a acción de promoción gastronómica conxunta que as Cidades Patrimonio da Humanidade de España desenvolverán este mércores 28 pola tarde na Casa de Galicia de Madrid, dentro do programa de actividades de celebración do 40 aniversario da Convención do Patrimonio Mundial. Turismo de Santiago é a entidade encargada de organizar esta actividade conxunta do Grupo de Cidades Patrimonio, que se suma á que se celebrou a semana pasada en Barcelona.
COMERCIO
Santiago será a primeira cidade en dispor de "Feirón", un pioneiro sistema de fidelización para o pequeno comercio
Feirón é unha ferramenta de marketing que, a través das novas tecnoloxías, pon en contacto aos axentes comerciais cos clientes para dinamizar as visitas destes aos seus negocios ofrecéndolles vantaxes nas súas compras. Santiago será a primeira cidade en dispor deste sistema pioneiro, grazas á colaboración entre o Concello, a asociación de comerciantes Santiago Centro e operador galego R.
CONSORCIO
O Consorcio de Santiago restaurará o monumento a San Francisco de Asís
O alcalde e presidente do Consorcio de Santiago, Ángel Currás, a Comisión Executiva e o Consello de Administración deste organismo. Na reunión da Comisión aprobouse a restauración da escultura de San Francisco de Asís e intervencións noutros monumentos da cidade histórica.
TURISMO
Turismo de Santiago promociona a cidade na feira EIBTM de Barcelona
Turismo de Santiago promocionará a cidade na EIBTM, que se celebrará do 27 ao 29 de novembro en Barcelona. Trátase da feira máis importante de Europa no sector dos Congresos, Xornadas e Incentivos, xunto co IMEX de Frankfurt, evento no que tamén participou a empresa municipal de promoción turística. Nesta edición do EIBTM estímase que participarán máis de 15.000 profesionais dos sectores vinculados coa industria das convencións, os eventos e as viaxes de negocios.
FAMILIA
Máis de 1.000 persoas participaron nos actos conmemorativos do Día Internacional dos Dereitos dos Nenos
O Palacio de Congresos de Santiago converteuse nun altofalante de tolerancia, respecto e liberdade para os millóns de nenos e nenas que habitan no planeta no Día Internacional dos Dereitos dos Nenos/as.
CULTURA
"Cento oitenta segundos", de Jesús de la Iglesia, nova intervención na Zona "C"
Na Zona C de Bonaval inaugúrase o martes 27, ás 20:00 horas, unha nova intervención. Trátase de Cento oitenta segundos, de Jesús de la Iglesia, comisariada por Rocío Figueroa. A intervención queda enmarcada na convocatoria de selección dun proxecto para o fomento da práctica profesional de especialistas en arte contemporánea na Zona "C" que organiza o Concello de Santiago e xestiona o Auditorio de Galicia en colaboración co Máster en Arte, Crítica e Museoloxía...
MULLER
Andaina contra a violencia de xénero
Celebrouse a segunda edición da Andaina Solidaria organizada pola Concellería de Familia, Benestar Social, Muller e Emprego, a través do Centro de Información á Muller (CIM), para conmemorar o Día Internacional contra a Violencia de Xénero.