TURISMO
Dezasete concellos da Área de Santiago asinarán o 27 de maio un convenio para a súa promoción turística
Os concellos da Área Santiago asinarán o 27 de maio no Pazo de Raxoi un convenio de colaboración para traballar conxuntamente na súa promoción turística. O Grupo está composto actualmente por 17 concellos: A Estrada, Ames, Boqueixón, Brión, Melide, O Pino, Oroso, Padrón, Rois, Santiago, Silleda, Teo, Touro, Trazo, Val do Dubra, Vedra e Vila de Cruces. Entre eles suman preto de 250.000 habitantes.
ECONOMÍA
Xornada técnica gratuíta "Rendibiliza o capital intanxible da túa empresa"
O Concello de Santiago, en colaboración co Ministerio de Economía e Competitividade e EQA realizarán o 29 de maio unha xornada gratuíta titulada Rendibiliza o capital intanxible da túa empresa. O obxectivo desta xornada é expoñer os incentivos fiscais á I+D, facendo fincapé nas novidades: o Patent Box e compra pública innovadora. Agárdanse uns 200 participantes.
CULTURA
Os Mighty Calacas presentan o seu primeiro disco, "Hot pelucho sounds", na Sala Capitol
O director-xerente do Auditorio de Galicia, José Víctor Carou presentou no Teatro Principal, como aperitivo das Festas da Ascensión, o concerto que os Mighty Calacas ofrecerá no martes 7 de maio, ás 20:30 horas, na Sala Capitol, incluído no ciclo Blues Nite.
TURISMO
As cidades Patrimonio da Humanidade de España promociónanse en Portugal, un mercado turístico estratéxico para o Grupo
O Grupo de Cidades Patrimonio da Humanidade de España participa a partir do luns 6 de maio nunhas xornadas, promovidas pola Oficina Española de Turismo en Lisboa, xunto a unha escollida selección de empresas do sector turístico, como Travelplan, Meliá, Iberia, Air Berlin e Air Europa, entre outras.
CONSORCIO
Reunión do alcalde co reitor da USC
O alcalde compostelán e presidente do Consorcio, Ángel Currás, reuniuse co reitor da Universidade de Santiago, Juan Casares, na sede do órgano interadministrativo.
DEPORTES
O Casco Histórico acolleu un competido e vistoso Duatlón Cidade de Santiago
Celebrouse polas rúas do Casco Histórico o XI Duatlon Cidade de Santiago, organizado pola Concellería de Deportes e o Triatlón Arcade Inforhouse. Uns 450 deportistas participaron nesta competición, que serviu de Campionato Galego de Duatlón e tamén como final provincial nas categorías escolares. A estas probas sumouse un duatlón popular.
NORMALIZACIÓN LINGÜÍSTICA
O Auditorio acolleu a final do Club de Debate
Celebrouse na Sala Mozart do Auditorio de Galicia a final do Club de Debate, gañada finalmente ex aequo polo IES Saturnino Montojo, de Ferrol, e polo CPI dos Dices de Rois. Os seus alumnos, xunto cos do terceiro clasificado, o IES Sánchez Cantón, de Pontevedra, compartirán o premio, unha viaxe a Taramundi. O alcalde compostelán, Ángel Currás, e a concelleira de Normalización Lingüística, Rebeca Domínguez, asisistiron ao inicio dos debates.
DEPORTES
Os afeccionados ao sendeirismo déronse cita na IX Andaina dos 50 Km de Santiago
Partiu da praza do Obradoiro a IX edición da Andaina dos 50 Km de Santiago de Compostela, organizada polo Club Deportivo Fontiñas. O concelleiro de Deportes, Adrián Varela, sumouse a esta cita co sendeirismo.
ALCALDÍA
José Baselga recibe o II Premio Internacional de Investigación Oncolóxica Ramiro Carregal
O alcalde compostelán, Ángel Currás, asistiu á gala de entrega do II Premio Internacional de Investigación Oncolóxica Ramiro Carregal ao doutor José Baselga. O acto celebrouse na Capela Real do Hostal dos Reis Católicos e estivo presidido polo titular da Xunta, Alberto Núñez Feijoo.
COMERCIO
A artesá Ana Serra deseñará a peza que recibirán os galardoados nos Premios do Comercio Compostelán 2013
Unha peza denominada "Rollo", da artesá Ana Serra, foi a elixida para ser entregada aos gañadores dos Premios do Comercio Compostelán 2013. Para o deseño desta figura conmemorativa convocárase un concurso dirixido aos artesáns composteláns inscritos no Rexistro Xeral de Artesanía da Consellería de Economía e Industria da Xunta de Galicia.