DEPORTES
Santiago acolle as finais das categorías de base do fútbol-7 de Galicia
Os campos de fútbol de San Lázaro e das Cancelas acollerán o domingo 1 de xullo as finais das categorías alevín, benxamín e prebenxamín do fútbol-7 de Galicia. Tras superar as diversas fases sectoriais, equipos das catro provincias participan nesta xornada, que pretende ser unha festa do fútbol base galego. A competición será retransmitida pola segunda canle da Televisión de Galicia.
XUNTA DE GOBERNO
A Xunta de Goberno adxudica a obra de restauración da fonte de San Roque
A Xunta de Goberno municipal, na súa sesión ordinaria, adxudicou a obra de restauración da fonte de San Roque, así como do cruceiro de Casas Novas. Tamén se solicitou unha subvención para instalar máquinas de exercicio biosaudable nas parroquias do rural.
CENTROS SOCIOCULTURAIS
O Grupo de Teatro de Adultos do CSC de Conxo representa "Aquí non paga nin Dios"
O Grupo de Teatro de Adultos do Centro Sociocultural de Conxo, presenta Aquí non paga nin Dios. Primeira Parte, de Darío Fo. A representación realizarase o venres 29 de xuño, ás 20:30 horas, no propio centro.
ECONOMÍA
Ábrese o prazo para as empresas interesadas en participar no proxecto de implantación dunha tecnoloxía contra a falsificación
A Concellería de Economía vén de abrir o prazo de inscrición para as empresas interesadas en participar no proxecto piloto para a implantación dunha innovadora tecnoloxía anti-falsificación en empresas fabricantes e puntos de venda da cidade. A inscrición, gratuíta, pode facerse a través da web www.maiscompostela.org. O prazo remata o 15 de xullo e hai un cota de 15 prazas.
CULTURA
O violinista Enrico Casazzo interpreta a Vivaldi no concerto inaugural do Via Stellae
O Festival Vía Stellae chega neste ano á súa sétima edición que se celebrará do 2 ao 13 de xullo en diferentes lugares de Santiago de Compostela. En total, serán 20 eventos musicais que comezan co concerto inaugural, o luns 2 de xullo, de La Magnifica Comunità, agrupación que comanda o gran violinista italiano Enrico Casazza. Interpretarán unha coidada escolma de La Cetra, unha colección de concertos de Vivaldi a partir das 20:30 horas, no Teatro Principal.
PLENO
Aprobado por unanimidade o cambio de uso da reserva de equipamento ocupada pola actual Casa da Xuventude
Na sesión ordinaria de xuño do Pleno municipal aprobouse por unanimidade dos tres grupos municipais o cambio de uso do solo no que se sitúa a actual Casa da Mocidade. Ademais, deuse conta da liquidación do orzamento do ano 2011.
ALCALDÍA
A Xunta Local de Seguridade escoitou as preocupacións dos veciños do Casco Histórico e das Fontiñas
O alcalde compostelán, Ángel Currás, e o subdelegado do Goberno, Jorge Atán, presidiron a reunión da Xunta Local de Seguridade. Nesta ocasión, ademais tratar outros asuntos, como os avances na redacción do Plan Local de Seguridade, o órgano escoitou as preocupacións en materia de seguridade de representantes da asociación veciñal das Fontiñas e de Compostela Monumental.
TURISMO
Santiago de Compostela sumou en maio por primeira vez máis pernoctacións de turistas estranxeiros que españois
Santiago sumou no mes de maio de 2012 un total de 110.275 pernoctacións, fronte ás 106.769 que se produciron no mesmo mes do ano pasado, segundo os datos do Instituto Nacional de Estatística (INE). Isto tradúcese nun crecemento do 3,28% respecto dos datos do 2011. Deste xeito, tras un primeiro trimestre no que houbo un descenso nas pernoctacións globais na cidade, súmase o segundo mes consecutivo con crecemento, despois de que as pernoctacións aumentasen un 0,84% dende abril.
XUVENTUDE
Vinte e cinco mozos e mozas fórmanse como monitores de tempo libre
O concelleiro de Xuventude e Deportes, Adrián Varela, visitou os 25 mozos e mozas que participan no Curso de Monitor de Tempo Libre que se desenvolverá dende esta xornada ata o 31 de xullo. Este curso capacitará os participantes para obter un título indispensable á hora de levar a cabo actividades de lecer e tempo libre e de realizar campamentos ou accións socioculturais e formativas.
ALCALDÍA
Inaugurada a nova sede do Centro de Linguas Modernas no Campus Vida
A Casa dos Catedráticos, no Campus Vida, acolle dende o segundo cuadrimestre do presente curso académico as dependencias administrativas do Centro de Linguas Modernas da USC (CLM). A inauguración oficial do novo espazo tivo lugar nesta xornada coa participación alcalde compostelán, Ángel Currás; o reitor da USC, Juan Casares Long; o vicerreitor de Relacións Exteriores e Internacionalización, Víctor Millet; a directora do centro, Katerina Vlasakova; e a xerenta da USC, Lourdes Batán.