Noticias

A praza do Obradoiro acolleu unha concentración para condenar os últimos asasinatos machistas, que deixaron dúas vítimas nas localidades valencianas de Chella e Calpe.

O concelleiro de Medio Rural e Equilibrio Territorial deu conta hoxe da finalización das obras de Escarabuña e Pedreira, financiadas con cargo ao Plan de Obras e Servizos (POS 2015) da Deputación da Coruña. Rafael Peña explicou tamén que xa están adxudicadas ou a piques de ser adxudicadas outras actuacións incluídas no PAS 2016, así como traballos de reparación de pavimentos financiados cos remanentes municipais.

A concelleira de Mocidade, Noa Morales, presentou o programa Boas Noites, unha das actividades máis votadas no proceso piloto de Orzamentos Participativos do 2016, posto en marcha na área de Mocidade. Na rolda estivo acompañada de Nerea Couselo, da empresa Xandobela, e Adrián Rei, da Asociación Cultural e Xuvenil Itaca, a encargada de propoñer e desenvolver esta actividade.

Santiago vólvese sumar ao Outono Fotográfico, o festival de fotografía decano da Península Ibérica, e faino acollendo seis exposicións noutros tantos centros socioculturais. A concelleira de Acción Cultural, Branca Novoneyra, presentou hoxe as actividades nunha rolda de prensa na que estivo acompañada polo director do certame, Xosé Lois Vázquez.

O vindeiro mércores, 2 de novembro, realizarase a cuarta das proxeccións do ciclo Cine Espallado, unha iniciativa do Colectivo Barriopía financiada polo Concello de Santiago a través do programa piloto dos Orzamentos Participativos 2015, na área de Mocidade. Esta vez a proxección será no Centro Sociocultural de Lavacolla, ás 20:00 horas.

Carlos Saura, o director máis relevante da historia do cinema español xunto ao tamén aragonés Luis Buñuel, recibirá o próximo 26 de novembro o Premio Cineuropa Especial na 30ª edición do festival compostelán. Saura, de 84 anos, continúa en plena actividade creativa e, como proba diso, tras a cerimonia de entrega do premio proxectarase Zonda, a película na que aborda a música popular arxentina e que se presentou na Mostra de Venecia. O Festival de Cine Cineuropa celébrase do 8 ao 27 de...

A Xunta de Goberno acordou hoxe a adxudicación de tres dos proxectos que serán financiados con cargo a remanentes, e que suporán un investimento total de case 375.000 euros. Trátase da mellora do pavimento da calzada no viario de servizo da avenida do Cruceiro da Coruña (marxe oeste), por un importe de preto de 150.000 euros; a mellora do pavimento no viario de Reboredo a Lavacolla, por 112.000 euros; e o acondicionamento da Casa da Muller, ao que se destinarán tamén case 112.000 euros. O alcalde, Martiño Noriega, mostrou a súa...

Xa está aberta a convocatoria para que os e as comerciantes, artesáns/ás e produtores/as interesados/as poidan presentar as súas solicitudes para participar no Mercado do Nadal. A terceira edición deste evento terá lugar en Carreira do Conde, e contará cunha duración maior, xa que irá dende o 3 de decembro ata o 5 de xaneiro.

A Xunta de Goberno acordou hoxe remitir á Secretaría Xeral de Calidade e Avaliación Ambiental da Xunta de Galicia a solicitude do procedemento de avaliación ambiental estratéxica do Plan Especial de ordenación de accesos, infraestruturas, servizos ferroviarios e estación intermodal na estación de ferrocarril. Ao mesmo tempo, seralle remitido o Documento ambiental estratéxico e o Borrador do plan.

O Centro de Interpretación Ambiental de Compostela (CIAC), celebrará este vindeiro mes de novembro o Día do Consumo e o Día contra a Explotación Ambiental , ademais dunhas xornadas sobre cambio climático. O amplo calendario de actividades completarase cun roteiro e cun cun cineforum.