Noticias

A Concellaría de Relacións Veciñais fai públicos os resultados da xornada de votacións de representantes veciñais ao Consello de Relación veciñais, celebrada na xornada do martes.

O concelleiro Luis Meijide participou na inauguración da sexta exposición Arte e solidariedade, organizada por Proxecto Home Galicia. A mostra permanecerá aberta ata o 7 de xaneiro no Centro de Proxecto Home en Santiago (Rúa Cottolengo, 2).

A partir deste xoves e ata o 16 de decembro estará aberta a inscrición no programa de conciliación familiar e laboral para este Nadal 2013. A iniciativa comprenderá un conxunto de actividades educativas, deportivas e de lecer que se desenvolverán nos CEIP Pío XII e As Fontiñas, dirixidas aos nenos e nenas con idades comprendidas entre os 3 e os 12 anos. O programa realizarase do 23 de decembro ao 8 de xaneiro, coa excepción dos días 25 de decembro e 1 de xaneiro.

O Recinto Feiral de Amio acollerá o sábado 14 e o domingo 15 de decembro o III Master de Campións de rallys. Preto de 50 pilotos de Galicia e Portugal participarán nesta proba, que xuntará a súa espectacularidade coa solidariedade, xa que servirá para recadar fondos para José Manuel Iglesias, neno de 8 anos aqueixado de disparesia espástica nivel 4, un tipo de parálise cerebral.

O alcalde compostelán, Ángel Currás, e a concelleira de Economía, Reyes Leis, asistiron no Centro Comercial As Cancela á entrega de premios do concurso de emprendedores Lánzate Santiago de Compostela. O obxectivo desta iniciativa, que chegou á cidade da man do Concello e do devandito centro comercial, é apoiar aos emprendedores galegos e o desenvolvemento empresarial da cidade.

Rematado o prazo de preinscrición para a actividade Mañás de Nadal, incluída no programa Vive o Nadal, da Concellería de Centros Socioculturais, serán os centros de Conxo, Santa Marta, Figueiras e A Gracia os que acollan aos nenos/as inscritos para gozar nas datas das vacacións escolares dunha variada programación matinal con xogos, obradoiros diversos, contos, etc. As persoas inscritas poden consultar no documento adxunto o listado de participantes en cada centro.

Curtocircuíto, festival organizado polo Concello de Santiago, co-financiado pola Deputación da Coruña e coa colaboración de diversas entidades, pasa este xoves en Santiago de Compostela un total de 29 curtas. O protagonismo recae no festival Play-Doc, que conta con dúas sesións, nas que se proxectan os traballos máis relevantes mostrados ao longo dunha década de existencia.

A Oficina Técnica do Consorcio de Santiago está a promover a restauración e conservación das pinturas murais que saíron á luz na igrexa de Santa María de Figueiras. O seu estado era moi malo pola acción da humidade e, sobre todo, pola repercusión de obras anteriores nos muros do edificio e a aplicación de encalados e cemento sobre a superficie pictórica. Os traballos de restauración, adxudicados á empresa Alfa, teñen un orzamento de 16.652 euros. Comezaron en setembro e xa están a piques...

Ponse en marcha a campaña de Nadal da Praza de Abastos de Santiago, que nesta edición incrementa a súa dotación en premios, superando os 11.000 euros. Os seus detalles foron presentados nunha rolda de prensa na que participaron a xerente do Mercado de Abastos de Santiago, S.Coop. G., Marta Rey; o seu presidente, José Fernández; e a concelleira de Mercados, Reyes Leis.

A concelleira de Normalización Lingüística, Rebeca Domínguez, presentou a segunda edición do Concurso de Cartas de Reis, destinado a promover o uso da lingua galega nestas datas de Nadal. Todos os que envíen as súas misivas recibirán a contestación das Súas Maxestades e un agasallo. As tres máis orixinais terán premio.