CAPITAL CULTURAL
As Xornadas de Ilustración Urbana volven ao Auditorio de Galicia ao abeiro do programa Compostela Ilustrada
Do 9 ao 12 de novembro, o 6º Encontro Internacional de Cadernos de Viaxe Compostela ilustrada reúne en Santiago debuxantes e artistas da ilustración nun intenso programa de obradoiros e clases maxistrais. Nese contexto, as Xornadas de Ilustración Urbana arrancan o venres 10 dúas tardes consecutivas de faladoiros con profesionais do eido para achegar á cidadanía o seu proceso creativo.
COMERCIO
O Concello reúnese coas asociacións de hostalería para analizar a nova convocatoria dos Bonos Corazón
A concelleira de Dereitos e Servizos Sociais, Promoción Económica e Xuventude mantivo hoxe unha xuntanza con representantes das asociacións de hostalería de Santiago para analizar a nova convocatoria dos Bonos Corazón. María Rozas agradeceu a boa receptividade das entidades e trasladoulles as bases, que tamén foron xa postas en común coas asociacións de comerciantes.
IGUALDADE
O Concello de Santiago lanza a campaña "O teu machismo dá noxo" con motivo do 25N
Coincidindo coa conmemoración do Día Internacional da Eliminación da Violencia Contra as Mulleres, o vindeiro 25 de novembro, o Concello pon en marcha unha campaña ao longo deste mes coa intención de convidar á cidadanía a reflexionar sobre os comportamentos e formas de violencia machistas nas redes sociais e no mundo do deporte. Esta iniciativa foi presentada esta mañá pola alcaldesa de Santiago, Goretti Sanmartín, acompañada por Teresa Furelos, xefa de Servizo da Área de Acción Social, e de Pilar...
LINGUA
Alingua destaca figuras públicas como Touriñán, As Tanxugueiras, Ledicia Costas ou Luís Davila como referentes no uso do noso idioma e levará as súas traxectorias ás aulas
A Asociación de Entidades Locais pola Lingua Galega publica na rede o ‘Catálogo de referentes’, guía virtual que recompila de forma inicial máis de corenta perfís colaboradores como modelos de sensibilidade lingüística nos campos da cultura, da ciencia, dos deportes, da artesanía, do activismo ou da comunicación. A iniciativa nace cunha guía didáctica específica, ideada como ferramenta educativa multidisciplinar para o alumnado de 12 e 16 anos, que se pode descargar xa de balde dende a web
CONSORCIO
O mestre Aarón Zapico dirixe por primeira vez a Real Filharmonía de Galicia nun concerto dedicado ás viaxes europeas
O recital, que levará por nome 'Le grand tour', celebrarase este xoves 9 no Auditorio de Galicia ás 20:30 horas.
ALCALDÍA
O Concello urxe a Xunta a atallar o problema de mobilidade e a carencia de prazas de aparcadoiro mentres duren as obras de ampliación do CHUS
A alcaldesa de Santiago, Goretti Sanmartín, mantivo unha reunión en San Caetano para analizar o marco de colaboración entre o Concello e a Xunta co obxectivo de mellorar a integración urbana e a ordenación da mobilidade do complexo hospitalario, tendo en conta que o CHUS é un equipamento sanitario de ámbito supramunicipal e, por tanto, lle corresponde á Xunta a correcta xestión do tráfico e da zona de aparcadoiro.
XUNTA DE GOBERNO
A Xunta de Goberno adxudica as obras da senda peonil de Silvouta
O executivo municipal deu luz verde esta mañá á adxudicación do contrato das obras de execución do proxecto "Senda peonil en Silvouta" á empresa OBRAS Y VIALES DE GALICIA por un orzamento de 117.420,00 €, enmarcado dentro do Programa POS+ 2022 da Deputación Provincial da Coruña. Tamén se aprobou o proxecto básico e de execución do "Parque infantil no espazo socioeducativo de Rial no lugar de Reibó na parroquia de Laraño". A alcaldesa de Santiago, Goretti Sanmartín deu conta de...
COMERCIO
O Goberno consensúa as bases dos Bonos Corazón coas entidades comerciais de Santiago
A concelleira de Dereitos e Servizos Sociais, Promoción Económica e Xuventude, María Rozas, mantivo hoxe unha xuntanza con representantes das asociacións de comerciantes de Santiago para poñer en común as bases da nova convocatoria dos Bonos Corazón. Nos próximos días, celebrarse outra xuntanza co sector hostaleiro. A previsión é que os bonos estean dispoñibles a mediados deste mes e se poidan consumir ata o 22 de decembro.
EMPREGO
Milleiros de prazas de formación e case 300 ofertas de emprego: abren as inscricións para o Talentia 2023
Máis de 3.000 prazas en actividades formativas, 300 ofertas de emprego e preto de 80 empresas participantes. Son os números do Talentia Summit, o evento do talento e o emprego que se desenvolverá do 13 ao 17 de novembro, cun formato híbrido que combinará as vantaxes dos modelos de feira virtual e presencial. As inscricións nas diferentes actividades quedarán abertas esta tarde a través da web talentiasummit.com.
CAPITAL CULTURAL
O filme Puan inaugura o Cineuropa 37 e bota a andar unha edición que reivindica o papel subversivo da comedia
Do 9 ao 25 de novembro, o certame leva ás salas de Compostela 115 filmes e numerosas actividades paralelas, con concertos e proxeccións especiais, mesas redondas e obradoiros arredor do cinema. Os premios Cineuropa distinguen en 2023 as traxectorias do actor Luis Zahera, do director portugués João Canijo e da actriz Ana Torrent. O Cineuropa 37 conmemora tamén o centenario do nacemento de Jorge Semprún, coa presenza do cineasta Costa-Gavras, e move á reflexión sobre a historia da democracia na Arxentina e sobre a ditadura pinochetista en...
