Noticias

O Concello de Santiago e a Confederación Galega de Persoas con Discapacidade asinaron hoxe un convenio de colaboración que ten como obxectivo mellorar a accesibilidade universal das instalacións e servizos dependentes da administración municipal. O texto foi subscrito polo alcalde, Martiño Noriega, e polo presidente de Cogami, Anxo Queiruga.

A finais de xullo volvía ás rúas do centro histórico compostelán a exposición Picheleir@s, promovida polo Consorcio de Santiago e que se inauguraba en 2014 con grande éxito. Esta mostra recolle a maioría de oficios e profesións -moitos xa desaparecidos- que tiveron protagonismo na cidade dende a Idade Media ata a actualidade.

Curtocircuíto, Festival Internacional de Cine, deu hoxe a coñecer os detalles da súa próxima edición, que se celebrará en Compostela entre os días 3 e 9 de outubro. Foi nunha rolda de prensa na que participaron o alcalde de Santiago, Martiño Noriega; a vicepresidenta da Deputación da Coruña, Goretti Sanmartín; o director de Agadic, Jacobo Sutil; e o director do festival, Pela del Álamo.

O alcalde, Martiño Noriega, e o director de Vehículo Eléctrico de Renault Iberia, Luis Valerio Fernández, asinaron hoxe un protocolo de colaboración entre o Concello e a compañía automobilística para o impulso e a promoción conxunta da "mobilidade cero emisións en Santiago".

O grande interese que está a xerar a visita do pedagogo italiano Franceso Tonucci a Compostela motivou que o Concello decidira cambiar o lugar no que dará a súa conferencia o próximo 23 de setembro, a partir das 19:00 horas.

O VI Festival Internacional Peregrinos Musicais, cuxa finalidade é apoiar a novos talentos galegos, clausúrase este venres, 23 de setembro, cun concerto coa Real Filharmonía de Galicia (RFG). A orquestra, dirixida nesta ocasión polo seu director asociado, o mestre compostelán Maximino Zumalave, acompañará a músicos/as noveis de Galicia e tamén procedentes dos Países Baixos, Rusia e Estados Unidos. A cita terá lugar ás 20:30 horas no Auditorio de Galicia.

A praza do Obradoiro acolleu unha concentración para condenar os últimos asasinatos machistas, que deixaron esta fin de semana dúas vítimas, unha en Ibiza e outra en Esplugues de Llobregat (Barcelona).

A concelleira de Acción Cultural, Branca Novoneyra, presentou en rolda de prensa as actividades da 30ª Semana Cultural de conxo, que se desenvolverán no barrio do 20 ao 24 de setembro.

O Curso Avanzado de Especialización Orquestral tivo esta fin de semana as súas probas para cubrir cinco prazas (tres de violín e dúas de viola) que quedaran vacantes na convocatoria do mes de xuño. Cubríronse as 18 prazas ofertadas para este curso académico, que permitirán aos admitidos e admitidas realizar prácticas tocando en concertos coa Real Filharmonía de Galicia.

O alcalde de Santiago foi o encargado de pronuncia onte o pregón co que comezaron as festas de San Mateo, en Oviedo. Martiño Noriega fora invitado no pasado mes de xaneiro, durante a visita que realizara a Compostela o concelleiro de Cultura de Oviedo para explorar vías de colaboración para poñer en valor o Camiño Primitivo.