FESTAS
A Real Filharmonía de Galicia acompañará este xoves a Uxía na Quintana
A Real Filharmonía de Galicia participa un ano máis nas celebracións das festas do Apóstolo, conmemorativas do Día de Galicia. A compostelá praza da Quintana acollerá este xoves, 20 de xullo, un concerto dirixido polo mestre titular da agrupación, Paul Daniel, ás 21:00 horas. As entradas, que eran gratuítas previa retirada da invitación na billeteira do Teatro Principal, xa están esgotadas. En caso de choiva, a actuación trasladarase ao Auditorio de Galicia. O concerto repetirase o venres no Auditorio...
FESTAS
A "Ultranoite" de Chévere chega a Compostela na sexta xornada do Apóstolo
As festas do Apóstolo continúan unha xornada máis, nun mércores que traerá música, teatro e obradoiros para o goce de pequenos e maiores.
PATRIMONIO
Ser seguidor das Cidades Patrimonio nas redes sociais pode ter premio este verán
Este verán, o Grupo de Cidades Patrimonio da Humanidade quere dar aos seus seguidores a posibilidade de gañar unha noite nun Parador das Cidades Patrimonio a través de dúas accións en redes sociais. Unha delas pretende que os/as seguidores animen a novos amigos/as a coñecer as Cidades e outra que difundan as fotos das súas estancias nas Cidades durante o verán.
IGUALDADE
Minuto de silencio pola última vítima mortal da violencia machista
A praza do Obradoiro acolleu unha concentración para condenar o último asasinato machista, que deixou este sábado unha vítima en Huéscar (Granada).
FESTAS E DEPORTE
As festas do Apóstolo tamén recordan o xornalista deportivo Antonio Bermúdez
O Estadio de San Lázaro acollerá o próximo 25 de xullo un partido en memoria do xornalista deportivo Antonio Bermúdez, que enfrontará á S.D. Compostela e ao C.D. Lugo. O encontro foi presentado hoxe en rolda de prensa polo alcalde, Martiño Noriega; o presidente do Compostela, Antonio Quinteiro; o director de Relacións Institucionais do club, Ramón Castro, e o fillo do homenaxeado, o tamén xornalista deportivo Toño Bermúdez.
FESTAS
Música galega e irlandesa e actividades infantís na VI edición do Certame Folk
O Certame Folk das festas do Apóstolo celebrará o próximo sábado 22 a súa VI edición, grazas á colaboración entre o Concello e La Voz de Galicia. O segundo tenente de alcalde, Jorge Duarte, foi hoxe o encargado de presentar esta cita, nunha rolda de prensa na que estivo acompañado polo delegado territorial do xornal en Santiago, Ignacio Carballo, e por un dos integrantes do grupo Milladoiro, Pepe Ferreirós.
ALCALDÍA
O alcalde reuniuse co presidente da Federación Galega de Ciclismo
O alcalde de Santiago, Martiño Noriega, e a concelleira de Deporte, Noa Morales, reuníronse co presidente da Federación Galega de Ciclismo, Juan Carlos Muñiz, e co director técnico do organismo, Guillermo Sande.
ALCALDÍA
Martiño Noriega recibiu a Serge Haroche, Premio Nobel de Física 2012
O alcalde de Santiago, Martiño Noriega, recibe o Premio Nobel de Física 2012, Serge Haroche, que está na cidade no marco do programa ConCiencia. O científico asinou no Libro de Honra.
FESTAS
O Circompostela 2017, o cine ao aire libre e o último concerto de Terra da Fraternidade marcan a quinta xornada do Apóstolo
A quinta xornada de festas do Apóstolo, este martes 18 de xullo, levará a música, o circo e o cine a diversos recunchos da cidade.
XUNTA DE GOBERNO
A empresa Acciona encargarase de novo este ano dos Fogos do Apóstolo
A empresa Acciona volverase encargar este ano dos Fogos do Apóstolo, despois de que a Xunta de Goberno aprobara hoxe a adxudicación do contrato, por un importe de 217.099,83 euros, IVE incluído. Nel inclúense os dous espectáculos tradicionais das festas, o do 24 e o do 31.
