MOCIDADE
O Centro Xove da Almáciga pon en marcha as actividades para o curso 2022-2023
O concelleiro de Mocidade, Rubén Prol presentou esta mañá a programación anual do Centro Xove de Creación Cultural para a tempada 2022-2023. Durante a rolda de prensa, que tamén contou coa presenza do profesor do CX Guillermo Vistoso, o edil tamén fixo balance do proxecto Lanzadeira desenvolvido este ano e que axudou a profesionalizar e dar visibilidade a sete bandas residentes do Centro.
ALCALDÍA
Respaldo unánime do tecido económico e académico de Santiago á candidatura integradora para acoller a sede da Axencia Española de Intelixencia Artificial
O alcalde, Xosé Sánchez Bugallo, reafirmouse na súa proposta de integración para acoller a Axencia Española de Intelixencia Artificial (AESIA) nas cidades de Santiago e A Coruña tras unha reunión na que participaron os voceiros dos grupos da corporación municipal, o reitor da USC e representantes do tecido empresarial de Santiago. Sánchez Bugallo insistiu en que "obxectivamente a candidatura de Santiago é máis forte" porque dos 11 parámetros que establece o Ministerio para elixir a sede da AESIA,...
PROMOCIÓN ECONÓMICA
Mañá ábrese o prazo para a solicitude de axudas destinadas a empresas de Santiago e ao Premio á excelencia empresarial
O BOP Coruña vén de publicar no día de hoxe as convocatorias de subvención destinadas a apoiar ás empresas de economía social, ás actuacións en materia de economía circular e á primeira edición dos "Premios de excelencia empresarial Axenda Urbana 2030" do Concello de Santiago. O prazo de presentación de solicitudes para todas elas estenderase desde mañá día 19 de outubro ata o día 2 de novembro.
XUNTA DE GOBERNO
Aprobada a solicitude de subvención ao Ministerio de Transportes por máis de 3,3 millóns de euros para a rehabilitación de 250 vivendas da cidade histórica
A Xunta de Goberno Local, reunida hoxe, deu luz verde á solicitude de participación no "Programa de axuda ás actuacións de rehabilitación no ámbito do Casco Histórico" do Ministerio de Transportes, Mobilidade e Axenda Urbana, cunha cantidade a subvencionar de 3.373.526,58 euros, a través dos fondos NextGenerationEU. Dos acordos adoptados deu conta, en rolda de prensa, o alcalde Sánchez Bugallo.
PROMOCIÓN ECONÓMICA
Santiago acolle un encontro para a abordar a consecución dos retos das Axendas Urbanas e 2030 a través da economía social
O acontecemento desenvolverase os días 19 e 20 de outubro na Sede Fundación Laboral de la Construcción en Galicia. As persoas interesadas en participar na actividade xa poden inscribirse a través da web santiagocapitaleconomiasocial.es
COMERCIO
O Concello e as asociacións de comerciantes ultiman a nova convocatoria dos Bonos Corazón
O alcalde de Santiago, Xosé Sánchez Bugallo, reuniuse esta mañá cos representantes das agrupacións de comerciantes de Santiago para pechar os últimos detalles sobre a nova campaña de Bonos Corazón, cuxo lanzamento está previsto para finais deste mes. A convocatoria, que pretende impulsar o consumo no comercio e a hostalería local, incluíra nesta ocasión a establecementos que ofrezan produtos de alimentación.
SMARTIAGO
Os bancos intelixentes instalados polo Concello de Santiago non integran ningún tipo de cámara nin captación de imaxes
Desde o Concello de Santiago quérese aclarar que os sistemas implantados no mobiliario urbano intelixente na cidade para o proxecto Smartiago constan de sensores de infravermellos de presenza, os cales permiten detectar o paso do fluxo de peóns nunha área determinada das proximidades do mobiliario.
ACCIÓN CULTURAL
Luz Poética, I Festival de Poesía Nova de Compostela arrancará a vindeira semana
Desde o 17 e ata o 22 de outubro celebraráse en Santiago a primeira edición do "Luz Poética. Festival de Poesía Nova de Compostela", un evento organizado polo Concello de Santiago e coordinado pola xestora Hoku Cultural. A concelleira de Acción Cultural, Mercedes Rosón, o concelleiro de Mocidade, Rubén Prol e un dos organizadores, Diego Horschovski, presentaron esta mañá un amplo programa con obradoiros, roteiros, proxeccións e recitais, onde se darán a coñecer novas voces da poesía galega.
PROMOCIÓN ECONÓMICA
Compostela acollerá o Encontro Internacional de xestores do programa Erasmus Emprendedores en Europa
Esta candidatura, promovida pola Cámara de Comercio de Santiago co apoio de Uninova e do Concello de Santiago, reunirá en Compostela xestores do programa europeo Erasmus Emprendedores procedentes de 38 países en marzo do vindeiro ano.
PLENO
O Pleno extraordinario aproba a conta xeral do Concello de Santiago do ano 2021
O Pleno do Concello de Santiago, reunido esta mañá en sesión extraordinaria, someteu a consideración a conta xeral do Concello de Santiago correspondente ao ano 2021, para a súa aprobación e posterior remisión ao Consello de Contas. Esta conta está integrada pola conta da entidade matriz e as contas do Organismo Autónomo Auditorio de Galicia, das sociedades mercantís TUSSA, INCOLSA e MercaGalicia, e as contas das Fundacións Públicas Refuxio de Animais e Eugenio Granell.
