Noticias

A Policía Local, en colaboración coa Dirección Xeral de Tráfico, realizou durante a pasada semana unha campaña especial de vixilancia do uso do cinto de seguridade entre os/as ocupantes dos vehículos, con especial atención aos sistemas de retención infantil. Durante sete días, os/as axentes inspeccionaron máis de 2.600 vehículos, co obxectivo, segundo a Policía Local, de "concienciar da importancia do uso do cinto como un elemento de seguridade viaria cuxo uso reduce á metade o risco de morte en...

O concelleiro de Deporte, Rafael Peña, presentou xunto ao presidente da sección de montaña do Club Deportivo Fontiñas, Iñaki Bilbao, a XV edición da Camiñada Solidaria ao Pedroso. Na rolda estiveron acompañados de Marta Andrade, de Unicef Galicia, entidade á que se destinarán os fondos recadados na andaina.

O Concello de Santiago convocará a mesa de diálogo co sector da hostalería nocturna, en resposta a unha demanda formulada polos seus representantes. A reunión será o próximo 5 de outubro.

O VI Festival Internacional Peregrinos Musicais, cuxa finalidade é apoiar a novos talentos galegos, clausúrase mañá venres cun concerto coa Real Filharmonía de Galicia (RFG). A orquestra, dirixida nesta ocasión polo seu director asociado, o mestre compostelán Maximino Zumalave, acompañará a músicos/as noveis de Galicia e tamén procedentes dos Países Baixos, Rusia e Estados Unidos. A cita terá lugar ás 20:30 horas no Auditorio de Galicia.

Dende hai dúas décadas o teatro de monicreques e bonecos ten en Galicia un referente fundamental: o Festival Internacional Galicreques, organizado pola asociación cultural Barriga Verde. O certame celebra a súa 21ª edición do 24 de setembro ao 2 de outubro, con 24 espectáculos para todos os públicos en diferentes teatros, salas e rúas de Santiago. A estes haberá que sumar 12 funcións especiais para público escolar.

Este xoves celebrouse en Madrid, na sede da Federación Española de Municipios e Provincias, unha nova reunión da Comisión de Educación e Cultura do Grupo de Cidades Patrimonio da Humanidade de España. A técnica municipal de Educación Beatriz Varela representou a Santiago nesta xuntanza.

Compostela conmemora mañá xoves o Día sen Coches, no marco da Semana da Mobilidade. Para celebralo, o autobús urbano será gratuíto ao longo de toda a xornada, e en todas as rutas.

Mañá xoves, 22 de setembro, a partir das 17:00 horas, abrirase o prazo de inscrición para a próxima viaxe do programa municipal Imos de excursión 2016, que terá como destino a cidade de Barcelona. Esta viaxe, de cinco días de duración e pensión completa, realizarase do 8 ao 12 de outubro.

A concelleira de Acción Cultural, Branca Novoneyra, presentou esta mañá a segunda edición do Festival Rock is Dead, que terá lugar o próximo sábado 24 de setembro no parque de Belvís. Na rolda estivo acompañada do vicepresidente e secretario da Asociación Cultural Mad Ghost, Iago e Jorge Otero, encargados da organización do evento.

O Ensanche compostelán volve estar de festa e reedita a celebración do seu 55 aniversario cunha nova edición que leva por nome 56 anos vivindo O Ensanche. A concelleira de Igualdade, Desenvolvemento Económico e Turismo, Marta Lois, presentou os detalles das actividades organizadas polo tecido veciñal e comercial do barrio. Na rolda estivo acompañada do coordinador do evento, Xosé Manuel Durán; o secretario de Santiago Centro, Delmiro Prieto; un representante de Panxea, Gonzalo Gesto; e Eva López de proxecto EmRede.