Noticias

Este venres 17 de febreiro, ás 20:00 horas, inaugúrase no Centro Sociocultural de Conxo unha pequena exposición didáctica: O Entroido de Conxo. Os Conformistas.

A concelleira de Mocidade, Noa Morales, presentou esta mañá os detalles da primeira programación do Centro Xove de Creación Cultural da Almáciga, correspondente ao primeiro semestre do ano. Todas as actividades son de balde.

O alcalde, Martiño Noriega; a conselleira de Infraestruturas e Vivenda, Ethel Vázquez; o conselleiro de Cultura, Educación e Ordenación Universitaria, Román Rodríguez, e a directora de Turismo de Galicia, Nava Castro, asinaron esta mañá o protocolo de colaboración para a mellora e integración paisaxística das entradas dos Camiños de Santiago no termo municipal de Compostela. Foi nun acto celebrado no Museo das Peregrinacións, no que Concello e Xunta recoñeceron que o acondicionamento dos tramos...

O alcalde, Martiño Noriega, recibiu esta mañá a unha delegación de Special Olympics Galicia, formada polo seu xerente, Antonio Fuentaja; a súa directora técnica, Eunice Mosquera, e o seu tesoureiro, Javier García. Foi un encontro solicitado pola entidade, para lle presentar ao rexedor a memoria de actividades do ano 2016 e solicitar a colaboración do Concello para as actividades que están organizando de cara a este ano.

O Festival Atlántica vén de anunciar a programación da súa quinta edición, que se vai celebrar entre os días 15 e 19 de marzo. A presentación tivo lugar este mércores, 15 de febreiro, nunha rolda de prensa que tivo lugar no Museo do Pobo Galego de Santiago de Compostela e na que participaron representantes dos concellos que este ano apoian o festival. Así, na rolda estiveron Marta Lois, concelleira de Igualdade, Desenvolvemento Económico e Turismo de Santiago de Compostela; Suso Basterrechea, concelleiro de Cultura,...

A Policía Local busca a un condutor que se deu á fuga tras provocar un accidente na avenida de Barcelona, a semana pasada.

A praza do Obradoiro acolleu unha concentración para condenar os últimos asasinatos machistas, que deixaron vítimas nos últimos días en Seseña (Toledo), Huercal (Almería) e Daimiel (Ciudad Real).

Ao longo de dúas sesións, o alumnado do PEX, de PEPA da Escola Municipal de Música e público convidado participou nunha innovadora actividade musical impartida polo luthier Anxo Cabreira, quen fixo da súa paixón pola madeira un oficio que está a ter gran recoñecemento profesional. Este artesán, logo de incursións en distintos países para afondar no seu oficio, tivo a oportunidade de traballar no prestixioso taller Hans Weisshaar, que é dende hai décadas un referente mundial na construción e...

O concelleiro de Educación, Manuel Dios, presentou unha serie de obradoiros para o profesorado que se desenvolverán os días 17 e 18 de marzo en torno ao libro Aulas sen paredes. A súa autora, Rosalía Fernández, estivo tamén na rolda de prensa.

A concelleira de Deporte, Noa Morales, deu conta hoxe dos partidos de tenis de mesa que Santiago acollerá no marco da fase final de grupos do clasificatorio para o Campionato Europeo. Na rolda estivo acompañada polo presidente de Arteal-Santiago Tenis de Mesa e vicepresidente da Federación Española, José Albores, e pola xogadora profesional Raquel Bonilla, quen ademais está convocada coa Selección para a disputa dos encontros.