Noticias

A Real Filharmonía de Galicia (RFG) presentou esta mañá a súa nova temporada de abono 2016-2017 na súa sede, o Auditorio de Galicia. Asistiron ao acto o alcalde de Santiago e presidente do Consorcio de Santiago, Martiño Noriega; a concelleira de Acción Cultural, Branca Novoneyra; a xerente do Consorcio da cidade, Belén Hernández; ademais do director titular e artístico da orquestra, Paul Daniel.

Este xoves 28, a partir das 19:30 horas, o Centro Sociocultural e Xuvenil Municpial do Ensanche (rúa Frei Rosendo Salvado, 14-16) acollerá a primeira asemblea aberta dos Orzamentos Participativos. O obxectivo deste encontro é detectar, identificar e poñer en común necesidades de cara a facer propostas de investimentos para o conxunto do municipio de Santiago de Compostela.

As festas do Apóstolo vivirán este mércores unha das súas xornadas máis musicais. O concerto máis importante da xornada será o que ofrezan na praza da Quintana, a partir das 21:30, Molotov Jukebox e Banda Crebinsky.

Os protagonistas musicais deste martes nas festas do Apóstolo foi a banda de rock estadounidense The Dandy Warhols, que ofreceu un agardado concerto na praza da Quintana.

Como cada 25 de xullo, celebráronse os actos da Ofrenda ao Apóstolo Santiago. Finalizada a cerimonia relixiosa, a comitiva oficial foi recibida polo alcalde, Martiño Noriega, no Pazo de Raxoi.

O Concello de Santiago quere chamar a toda a veciñanza de Compostela a celebrar o 'Día Nacional de Galiza' e dedicarllo especialmente, neste 2016, á lembranza e homenaxe de María Miramontes. Unha muller que debe ocupar un lugar central na memoria colectiva da nosa cidade pola intensa labor activista que desenvolveu en Compostela.

O 25 de xullo, festividade do Apóstolo e Día de Galicia, volveu reunir milleiros de persoas nas rúas compostelás, que gozaron dunha xornada calurosa e con actividades en diferentes partes da cidade.

As concelleiras Marta Lois e Branca Novoneyra asistiron á ofrenda floral realizada a Rosalía de Castro no Panteón de Galegos Ilustres, en San Domingos de Bonaval.

Un ano máis, a noite do 24 de xullo volveu congregar a milleiros de persoas nas rúas de Compostela para presenciar, dende a praza do Obradoiro ou dende outros puntos da cidade, os tradicionais Fogos de Apóstolo. Santiagueses e visitantes gozaron dunha intensa sesión pirotécnica, que completou un espectáculo audiovisual que repasou parte da historia e dos personaxes ilustres da cidade.

O público máis familiar foi o protagonista de boa parte da xornada do sábado das festas do Apóstolo, grazas á segunda edición da Romaría Cativa. Logo, pola noite, Charles Bradley encheu do mellor soul a praza da Quintana.