Noticias

A Escola de Altos Estudos Musicais (EAEM), con sede en Santiago de Compostela, dispón dun programa de formación permanente dirixido a intérpretes novos. No marco deste proxecto, ofrécese a posibilidade de asistir ao longo do ano a unha serie de clases maxistrais que imparten solistas de prestixio internacional. A vindeira semana contarase coa presenza do afamado trompetista valenciano Luis González. Ademais dos alumnos da Escola, ofrécense praza para músicos externos ao centro.

O Consorcio de Santiago puxo en marcha o Programa Localízate, dotado con 100.000 euros en axudas para mellorar a accesibilidade, a eficiencia enerxética, a imaxe exterior e o acondicionamento interior dos locais comerciais situados no ámbito do Plan Especial de Rehabilitación da Cidade Histórica de Santiago de Compostela. O pasado luns remataba o prazo de presentación de solicitudes e pediron as axudas 15 locais, un boa parte dos cales aspiran á máxima cantidade subvencionable.

O concelleiro de Educación e Cidadanía, Manuel Dios, mantivo esta mañá, no edificio Cersia, unha xuntanza cos 13 directores e directoras dos centros de primaria de Compostela. Esta reunión responde á vontade do Departamento de manter, como fixo o ano pasado, unha xuntanza anual ao comezo de curso cos equipos directivos dos colexios públicos de Compostela.

A concelleira de Igualdade recibiu esta mañá na praza do Obradoiro a Grazia Andriola, unha muller que percorreu o Camiño de Santiago dende Italia para denunciar a violencia machista e "demostrar que as mulleres poden camiñar soas".

O Salón Nobre do Pazo de Raxoi foi escenario este mediodía do acto da cesión da organización do Womex, que o en 2017 se celebrará en Katowice. O alcalde da cidade polaca, Marcin Krupa, recibiu o testemuño de mans do rexedor compostelán, Martiño Noriega, nun acto no que tamén participaron a concelleira de Turismo, Marta Lois; o director do Womex, Alex Walter; a vicepresidenta da Deputación da Coruña, Goretti Sanmartín; e o conselleiro de Cultura, Román Rodríguez.

Esta mañá desenvolveuse unha nova actividade das programadas co fin de recuperar a festa do Samaín, unha celebración asociada ao ciclo anual do sol que xa forma parte do Patrimonio Inmaterial de Galicia. A Concellaría de Educación e Cidadanía, a través dos centros de ensino convocara as familias a participar nun obradoiro de tallado de calacús ou caveiras de cabaza, dirixido polo mestre Rafael López Loureiro, que leva dende hai moitos anos realizando un teimudo labor de recuperación e dignificación desta...

A Xunta de Goberno acordou hoxe iniciar o procedemento de adxudicación das obras de repavimentación do contorno do parque de Santa Susana, no que se van investir 140.187,24 euros, IVE incluído. O secretario da Xunta de Goberno, Xan Duro, explicou que a actuación se financiará con cargo aos remanentes, de xeito que deberá estar concluída antes de que remate o ano. O prazo de execución é de 45 días.

Entre o 23 e o 25 de outubro, Turismo de Santiago estará presente no evento Spain 360º Annual Workshop, organizado conxuntamente en Nova York polas catro Oficinas de Turismo de España en Estados Unidos e as dúas de Canadá.

A Xunta de Goberno acordou hoxe iniciar o procedemento de adxudicación das obras de reurbanización da rúa Cancelas. O proxecto conta cun orzamento de 201.704,40 euros, IVE incluído, e un prazo de execución de tres meses.

Desde hoxe e ata o vindeiro 6 de novembro está aberto o prazo para votar os Orzamentos Participativos de Mocidade. Como no caso das propostas de investimentos, para que o voto sexa válido hai que priorizar 10 ideas de actividades. En total, o orzamento suma 100.000 euros.