TURISMO
Compostela súmase ao 150 aniversario de Valle-Inclán cun paseo guiado e cunha lectura de fragmentos seus sobre a cidade
A concelleira de Turismo, Marta Lois, acompañada do director do Museo Valle-Inclán da Pobra do Caramiñal, Antonio González; o neto do escritor, Xaquín del Valle-Inclán; e a directiva do Ateneo, Pilar Sampedro, presentou no Pazo de Raoxi unha xornada de actividades dedicada ao 150 aniversario do nacemento de Ramón María del Valle-Inclán, que terá lugar o 28 de decembro.
XUNTA DE GOBERNO
Unha nova sentenza do TSXG obriga ao Concello a pagar o IVE do parque comarcal de bombeiros de Salgueiriños
A Xunta de Goberno deu conta hoxe dunha nova sentenza do Tribunal Superior de Xustiza de Galicia que estima parcialmente o recurso de apelación interposto por Extraco, a empresa construtora do parque de bombeiros de Salgueiriños, contra a sentenza ditada no pasado 29 de xuño que lle obriga ao Concello a pagarlle máis dun millón de euros pola parte da obra executada.
ALCALDÍA E EMPREGO
Inaugurada a senda peonil do Sar polo parque Eugenio Granell ata Novo Milenio
O alcalde de Santiago, Martiño Noriega, e a concelleira de Igualdade, Desenvolvemento Económico e Turismo, Marta Lois, inauguraron esta mañá a senda peonil do Sar ao seu paso polo Parque Eugenio Granell e Novo Milenio en dirección as Pontes de Conxo.
DESENVOLVEMENTO ECONÓMICO
Un pasarrúas, a degustación de sopas e o concerto de Cuchús Pimentel e Vigo Distrito Flamenco animaron o mercado de Salgueiriños
A concelleira de Igualdade, Desenvolvemento Económico e Turismo, Marta Lois, visitou este xoves o mercado de Salgueiriños para participar no Efecto Proximidade, que se celebra por segundo ano consecutivo nestas datas. Marta Lois destacou "a importancia que este tipo de eventos teñen como dinamización do mercado".
ALCALDÍA
Martiño Noriega recibe os responsables de Cáritas
O alcalde, Martiño Noriega, e a concelleira de Políticas Sociais, Concha Fernández, reuníronse hoxe no Pazo de Raxoi co director de Cáritas Diocesana-Santiago, José Anuncio Mouriño, e co seu delegado episcopal, Jesús García. A xuntanza serviu para analizar posibles vías de colaboración entre o Concello e a entidade, sobre todo no que ten que ver coa atención ás persoas sen fogar.
CONSORCIO
O Consorcio de Santiago adxudica os traballos de mellora da eficiencia enerxética da fachada oeste do Pazo de Raxoi
O Consorcio de Santiago acaba de adxudicar a obra de mellora da eficiencia enerxética da fachada oeste do Pazo de Raxoi á Unión Temporal de Empresas UTE Pazo de Raxoi. O importe global desta intervención ascende aos 288.241,78 euros.
ALCALDÍA
O alcalde felicitou o Nadal ao persoal municipal e aos xubilados/as neste 2016
O alcalde de Santiago, Martiño Noriega, presidiu a tradicional recepción de Nadal aos traballadores e traballadoras do Concello e dos diferentes organismos autónomos e empresas públicas vinculados ao mesmo. Ademais, este ano fíxose coincidir este acto coa tradicional entrega de placas ás persoas xubiladas en 2016, de xeito que puideron recibir a homenaxe dos compañeiros e compañeiras cos que compartiron tantos anos.
ALCALDÍA
Martiño Noriega recibe o xerente de Aeopas
O alcalde recibiu hoxe o xerente da Asociación Española de Operadores Públicos de Abastecemento e Saneamento (Aeopas). Martiño Noriega e Luis Babiano falaron das expectativas que se abren en Santiago, onde a actual concesión do servizo da auga finaliza en 2019.
IGUALDADE
Minuto de silencio no Obradoiro pola última vítima da violencia machista
A praza do Obradoiro acolleu unha concentración para condenar o último asasinato machista, que deixou este luns unha vítima en Barcelona.
MOCIDADE E POLÍTICAS SOCIAIS
Futbolín, cine, breakdance ou actuacións de grupos locais, algunhas das propostas deste Nadal para a mocidade de Compostela
As concelleiras de Mocidade e de Políticas Sociais, Noa Morales e Concha Fernández, presentaron en rolda de prensa as actividades de ocio saudable previstas polos seus departamentos no marco da programación de Nadal. Na rolda estiveron acompañadas por representantes das asociacións organizadoras Vella Escola, Itaca e Desordes Creativos.
