DEPORTES
Recoñecemento municipal a unha nova temporada de éxitos do Arteal Tenis de Mesa
O alcalde compostelán, Ángel Currás e o concelleiro de Deportes, Adrián Varela, recibiron os integrantes do club Arteal Tenis de Mesa.
FESTAS
As Festas da Ascensión comezan este mércores coa habitual tirada de bombas ás 12 do mediodía e animación na rúa
Compostela prepárase xa para o comezo das Festas da Ascensión, que este ano se celebran do 8 ao 12 de maio. Na primeira xornada, este mércores, destaca o concerto 40 Santiago Pop na praza da Quintana.
PARTICIPACIÓN CIDADÁ
Concedidas todas as excursións solicitadas polas entidades veciñais dentro do programa "Imos coa Asociación"
Rematou o prazo para que as asociacións de veciños de ámbito rural e da periferia de Santiago solicitaran participar no programa Imos coa asociación, promovido pola Concellería de Participación Cidadá. Once entidades veciñais solicitaron participara na convocatoria e demandaron 19 viaxes, que se realizarán nas datas que finalmente elixan, seguindo as normas do programa.
CULTURA
Concertos, actividades infantís, e moitas outras actividades gratuítas na segunda edición do Romaría Pop
A Romaría Pop, a unión de música pop e o mellor ambiente festivo herdeiro das romarías tradicionais, celebrará a súa segunda edición o sábado 15 de xuño no Parque de Belvís. Antes, o 6 de xuño, celebrarase un concerto de presentación do evento na Zona C con Niño y Pistola e When Nalda Became Punk.
BENESTAR SOCIAL
A Coordinadora de Traballo en Rede Barrio de Conxo – Milladoiro organizou unha charla sobre a Lei do Menor
A Coordinadora de Traballo en Rede Barrio de Conxo – Milladoiro continúa coas actividades dirixidas a nais, pais, profesorado e educadores, baixo a idea da importancia que teñen a familia e os profesionais da educación como axentes de socialización. Neste marco celebrouse no IES Eduardo Pondal a charla Programa Ktorce-18. A Lei do Menor, impartida por Ana Pérez Figueroa, educadora social e coordinadora da área de reforma da asociación Arela.
DEPORTES
O alcalde felicita o Club de Patinaxe Campus Stellae polo seu traballo e bos resultados
O alcalde compostelán, Ángel Currás, e o concelleiro de Deportes, Adrián Varela, recibiron en Raxoi os integrantes do Club de Patinaxe Campus Stellae. Este equipo, formado en outubro de 2009, conta con máis de 120 patinadores e patinadoras con idades comprendidas entre os 3 e os 22 anos. O club recibiu os parabéns municipais polo seu traballo e resultados.
ALCALDÍA
Recepción en Raxoi ao consello executivo da Asociación Europea de Televisións Rexionais
O alcalde compostelán, Ángel Currás, recibiu o consello executivo de CIRCOM (European Association of Regional Television). Esta entidade celebra en Santiago a súa 31ª Conferencia Anual, que reune a directivos de televisións públicas de 25 países europeos.
ECONOMÍA
O Cersia acollerá tres xornadas sobre creatividade, xestión eficaz do tempo e empresa e novas tecnoloxías
A Concellería de Economía organiza tres xornadas formativas para o vindeiro mes dentro do programa municipal Santiago Investors Support, que ten entre os seus obxectivos fomentar a cultura emprendedora na cidade. As xornadas tratarán sobre: Creatividade, Xestión eficaz do tempo e A empresa e as novas tecnoloxías. As xornadas diríxense a persoas emprendedoras, traballadores en activo do tecido empresarial, estudantes universitarios ou de formación profesional e persoas desempregadas de Santiago de Compostela.
CENTROS SOCIOCULTURAIS
Ábrese o prazo de inscrición na viaxe á Costa Verde do programa "Imos de excursión"
A Concellería de Centros Socioculturais abre, a partir de mañá martes 7 de maio, ás 17:00 horas, o prazo para participar na próxima viaxe do programa Imos de excursión 2013. É a denominada "Costa Verde" e desenvolverase o sábado 25 e o domingo 26 de maio.
DEPORTES
Santiago de Compostela será a sede do XIII Campionato de España de Patinaxe de Grupos Show en marzo de 2014
O concelleiro de Deportes, Adrián Varela, anunciou que Santiago foi a cidade escollida para organizar o Campionato de España de Grupos Show, unha disciplina de patinaxe na que participan grupos de ata 12 ou de 12 a 25 competidores. Esta proba, cuxa organización lle corresponde ao Club Deportivo Fontiñas e ao Concello de Santiago, celebrarase no Multiusos Fontes do Sar os días 8 e 9 de marzo de 2014.