ALCALDÍA
Encontro do alcalde coa Asociación de Antigos Tunos Composteláns
O alcalde compostelán, Ángel Currás, reuniuse en Raxoi coa Asociación de Antigos Tunos Composteláns.
COMERCIO
Os clientes poden votar a través de internet as categorías de Comercio de Barrio e Comercio Agarimo nos Premios do Comercio
Os Premios do Comercio Compostelán 2013, convocados pola Concellería de Comercio, quere recoñecer o traballo e o esforzo dos pequenos comerciantes da cidade. En dúas das categorías do certame, "Comercio de Barrio" e "Comercio Agarimo", os gañadores serán elixidos mediante votación popular a través da web do concurso: www.santiagocomerciodecine.com, onde se pode consultar toda a información dos premios. Os veciños e veciñas...
NORMALIZACIÓN LINGÜÍSTICA
Remata en Bertamiráns a final da fase comarcal do Club de Debate
A final da fase comarcal do Club de Debate pechouse na Casa da Cultura de Bertamiráns coa entrega dos galardóns. Tras moitas horas de debate, repartidas entre a xornada do venres e do sábado, o primeiro premio recaeu no CPI Plurilingüe dos Dices de Rois, mentres que o segundo galardón foi para o IES Rosalía de Castro, de Santiago de Compostela. Ademais, un dos grupos do IES de Ames quedou na terceira posición. Deste xeito, o grupo de Rois representará á comarca na final do Club de Debate, que terá lugar no Concello de...
FACENDA
A liquidación do orzamento de 2012 deixa un remanente positivo de 1,9 millóns de euros e unha "histórica" redución do endebedamento
A concelleira de Facenda e Orzamentos, Cecilia Sierra, presentou a liquidación do orzamento de 2012, que deixa un remanente positivo de case 1,9 millóns de euros e un nivel de endebedamento que se sitúa en nun mínimo "histórico" de 60,5 millóns de euros. O exercicio pechouse un resultado orzamentario positivo de case 17,7 millóns de euros.
SEGURIDADE
Vinte e cinco condutores participarán na segunda edición do plan formativo dirixido a condenados a traballos comunitarios
A gravidade de certas condutas temerarias provocou a súa penalización como delitos. Non obstante, os xuíces teñen a posibilidade de impoñer penas de prisión, multas ou traballos en beneficio da comunidade. Como alternativa para conmutar estas últimas, o edificio CERSIA acollerá este mes de abril un programa de formación promovido por Institucións Penitenciarias e financiado polo Concello, que ten como destinatarios aqueles condutores da zona de Santiago que foron condenados a penas de traballos en beneficio da comunidade,...
CENTROS SOCIOCULTURAIS
Aberto o prazo para participar en tres cursos sobre plantas medicinais e horta sa
A Concellería de Centros Socioculturais abriu o prazo para participar nun programa de tres cursos monográficos sobre plantas medicinais e horta sa. Desenvolverase no Local Sociocultural de Vidán durante os meses de abril, maio e xuño.
CULTURA
O Outlet do Libro galego ofrece a oportunidade de mercar títulos xa desaparecidos das tendas dende 3 euros
O alcalde compostelán, Ángel Currás, presentou o Outlet do Libro Galego, que se celebrará na sede da Fundación Caixa Galicia (rúa do Vilar) do 6 ao 14 de abril, en horario de 11:00 a 14:00 e de 17:00 a 21:30 horas. Esta iniciativa ofrece unha nova oportunidade comercial para moitos títulos de gran valor do catálogo das editoriais galegas que, neste momento, están fora dos circuítos comerciais convencionais.
EDUCACIÓN
"Mamá", da arxentina Mariana Ruiz Johnson, gaña o VI Premio Internacional Compostela de Álbums Ilustrados
O xurado acordou conceder por unanimidade o VI Premio Internacional Compostela de Álbums Ilustrados á obra Mamá, de Mariana Ruiz Johnson, de Bos Aires (Arxentina). O galardón, convocado pola Concellería de Educación e a Editorial Kalandraka, conta cunha dotación de 9.000 euros e comporta a publicación do libro en castelán, galego, catalán, éuscaro e portugués.
CULTURA
A Banda Municipal e o Conservatorio Profesional de Música de Santiago de Compostela únense nun concerto especial
O director-xerente do Auditorio de Galicia, José Víctor Carou presentou o concerto conxunto que a Banda Municipal e o Conservatorio Profesional de Música de Santiago de Compostela ofrecerá no Teatro Principal o domingo 7 de abril, ás 12:00 horas. As entrada para este concerto especial é de balde ata completar aforo e previa retirada de localidades na billeteira do Principal, aberta venres e sábado de 18:00 a 21:00 horas e o domingo a partir das 11:00 horas.
NORMALIZACIÓN LINGÜÍSTICA
Comeza a final comarcal do Club de Debate, na que participan estudantes de institutos de Santiago, Ames, Rois, Padrón e Teo
A Casa da Cultura de Bertamiráns (Ames) acolle este venres 5 e o sábado 6 a final da fase comarcal do Club de Debate. Nesta final participan 114 estudantes e 11 profesores/as, pertencentes aos institutos de Santiago, Ames, Rois, Padrón e Teo.