TURISMO
Beatriz Sotelo ensina arte gastronómica en "Santiago Repetirás"
Beatriz Sotelo, cociñeira do restaurante A Estación de Cambre, será a encargada de conducir a segunda sesión de "Merco e cociño con..." o sábado 13 de decembro. Este innovador taller, enmarcado dentro das actividades do programa gastronómico Santiago Repetirás, desenvolvido por Turismo de Santiago, descobre aos asistentes como é un día na vida dun cociñeiro, dende a compra do produto ata a súa conversión nun elaborado menú.
XUNTA DE GOBERNO
O Concello pon en marcha o estudo sociolóxico que permitirá elaborar o Plan de Igualdade de Oportunidades
A Xunta de Goberno Local deu luz verde hoxe a un paquete de medidas do ámbito do benestar social, entre os que salienta o inicio dun estudo sociolóxico, previo á elaboración do Plan de Igualdade de Oportunidades, ou a aprobación das listas de solicitantes de vivendas de promoción económica pública de Salgueiriños. Deu conta delas en rolda de prensa a concelleira da área, Mar Martín.
XUNTA DE GOBERNO
Luz verde á mellora e ampliación do saneamento en Vidán
A concelleira Elvira Cienfuegos, como voceira da Xunta de Goberno, deu conta da ampliación do saneamento en Vidán, así como doutros asuntos tratados nesta xuntanza de 9 de decembro.
CONSORCIO
O Consello de Administración do Consorcio aproba un orzamento de máis de 17 millóns de euros para o ano 2009
O Consello de Administración do Consorcio aprobou un
orzamento de 17.692.990,64 euros para o exercicio 2009, o que permitirá desenvolver os proxectos e programas do organismo interadministrativo. Este esforzo significa consolidar o protagonismo do Consorcio como motor das políticas de recuperación urbana e dinamización turístico cultural da cidade, ademais da atención dedicada ao Programa de Información, Estudo e Interpretación da Cidade Histórica.
CONSORCIO
O Consorcio presenta o proxecto de reforma do antigo Banco de España
O edificio baixo a dirección do arquitecto Manuel Gallego Jorreto converterase no futuro Museo das Peregrinacións e de Santiago.
SEGURIDADE CIDADÁ
A Policía Local poñerá en marcha unha campaña de control de alcoholemia a partir do 8 de decembro
A concelleira de Mobilidade e Seguridade Cidadá, Marta Álvarez-Santullano, acompañada polo xefe da Policía Local de Santiago, Norberto Villaverde, anunciou a posta en marcha desta campaña no mes decembro. Así mesmo, presentaron nesta rolda os resultados acadados na campaña de control do teléfono móbil, que se saldou con 45 persoas denunciadas por facer un uso indebido do mesmo ao volante.
CULTURA
Producións Teatrais Excéntricas pon en escena 'Obra (No Comment)' no Teatro Principal
Este mediodía, na Casa do Concello, presentouse a peza teatral 'Obra (No Comment)', que a compañía Producións Teatrais Excéntricas vai levar a escena no Teatro Principal os dias 5 e 6 de decembro ás 21:00 horas, nun espectáculo promovido pola concellaría de Cultura e Centros Socioculturais e a Rede Galega de Teatros e Auditorios do AGADIC.
FESTAS
As rúas da cidade xa brillan neste Nadal
O concelleiro de Festas, Xosé Baqueiro, puxo en funcionamento o alumeado preparado por Raxoi para estas datas. En total, máis de cuarenta rúas e oito prazas lucirán durante este mes un decorado especial, no que o Concello investiu 165.000 euros. No acto tamén estiveron presentes os responsables das empresas encargadas da decoración (Blachere, no Casco Histórico, e Iluminacións Santiaguesas, no Ensanche).
CONSORCIO
O Consorcio de Santiago saca a concurso a restauración da antiga Calzada Real de Sar cun orzamento de 800.000 euros
Trala modificación do proxecto, elaborada pola Oficina técnica do Consorcio, dacordo coa proposta de actuación da
Dirección Xeral de Patrimonio Cultural, arranca definitivamente o proceso para o inicio da execución das obras.
MERCADOS
Mercagalicia pecha o exercicio de 2008 segundo o previsto
O concelleiro de Transportes e Mercados, Carlos Nieves, presidiu o Consello de Administración de Mercagalicia, que tivo lugar na sede desta entidade, no Polígono do Tambre. Nesta sesión deuse conta da marcha da planificación realizada a principios de ano.