CIDADE HISTÓRICA
Informe municipal sobre a Reforma Integral do Edificio de Correos
En relación coa licenza de obras para a Reforma Integral do Edificio de Correos, o Concello de Santiago quere puntualizar:
XUNTA DE GOBERNO
A Xunta de Goberno autoriza máis de 200 cacharelas e sardiñadas
A celebración do San Xoán estivo presente na orde do día da Xunta de Goberno, coa autorización de 227 cacharelas e sardiñadas. Desenvolveranse maioritariamente na noite do 23 de xuño, aínda que tamén hai organizadas sardiñadas noutras datas do mes.
COMERCIO
Aberto o prazo de inscrición na edición de verán de Escaparatismo
A Concellaría de Promoción Económica, Emprego, Comercio e Turismo abriu o prazo de inscrición na edición de verán do VI Concurso Municipal de Escaparatismo SCQ Shopping 2009, que finaliza o 29 de xuño. O departamento comezou a entregar as bases do certame aos aproximadamente 2.500 estabelecementos comerciais que existen en Santiago. O obxectivo do concurso, dirixido a todos os comercios da cidade, é contribuir á dinamización e mellora dos estabelecementos en activo, incentivando a súa capacidade creativa e a...
PROMOCIÓN ECONÓMICA
Promoción Económica impartirá 13 cursos por teleformación a través da súa páxina web
O concelleiro de Promoción Económica, Emprego, Comercio e Turismo, Xosé Manuel Iglesias, anunciou a apertura do prazo para inscribirse en 13 novos cursos do Plan de Formación 2009, a través dos que se poderán formar 195 persoas. Impartiranse a través da modalidade de teleformación, concretamente a través dunha Plataforma de formación on-line que se subirá en breve á páxina web da Concellaría: www.maiscompostela.org.
ALCALDÍA
Compostela e Ávila, 22 anos unidas polo ciclismo
Un ano máis, e xa son 22, chegaron á cidade os integrantes da Peña Ciclista Amigos de Santiago. A delegación de 18 ciclistas foi recibida en Raxoi pola concelleira de Participación Cidadá, Guadalupe Rodríguez.
MEDIO AMBIENTE
Santiago dará a benvida ao solsticio de verán coa segunda edición da Feira do Sol
A concelleira do Medio Ambiente e Desenvolvemento Sustentábel, Elvira Cienfuegos, presentou a segunda edición da Feira do Sol, unha festa de benvida ao solsticio de verán, que se celebrará o sábado 20 de xuño no paseo central da Alameda, dende as 11:30 ás 20:00 horas.
ALCALDÍA
Compostela irmándase coa cidade italiana de Pisa
O concelleiro de Relacións Institucionais, Andrés Fariña, firmou o acordo de irmandamento coa cidade italiana de Pisa. O acto tivo lugar na Abadía di San Zeno dentro dunha cerimonia múltiple na que a cidade italiana se irmandou ademais con outras tres cidades: a dinamarquesa de Kolding, a chinesa de Hangzhou e a grega de Rhodas.
EDUCACIÓN
Os máis pequenos participan nun Parque Infantil de Tráfico en Conxo
A concelleira de Educación, Mercedes Rosón, achegouse ata a Escola Infantil Municipal de Conxo, onde os alumnos do centro, xunto cos das escolas infantís de Fontiñas e San Roque participaron nun Parque Infantil de Tráfico. Esta actividade enmárcase no Programa de Educación Viaria e na Autoprotección ¿Onde está o perigo?, organizado polas concellerías de Educación e de Seguridade Viaria. O Parque funcionará de 11:00 a 12:30 horas.
ALCALDÍA
O alcalde apoia a declaración da Torre de Hércules como Patrimonio da Humanidade
O rexedor compostelán, Xosé A. Sánchez Bugallo, sumouse á campaña de apoio á declaración da Torre de Hércules, único faro romano do mundo que segue en funcionamento, como Patrimonio Mundial. Visitou, xunto co conselleiro de Cultura, Roberto Varela, a carpa instalada na Praza do Obradoiro destinada á recollida de sinaturas e engadiu a súa ás máis de 300.000 que xa se teñen recadado para esta misión.
CONSORCIO
O Consorcio de Santiago adxudica a restauración global dos retábulos das Ánimas
O Consorcio de Santiago, logo de valorar as diferentes propostas presentadas ao Concurso do Servizo de Restauración dos retábulos 1, 2, 4, 5, 6, 8 e 9 da Capela Xeral das Ánimas, decidiu adxudicar as obras de recuperación á empresa de restauración Alfagía, quen realizará os traballos por un importe total de 285.360 euros, comprometéndose a rematalos nun prazo de 10 meses. Ao concurso, que contaba cun orzamento de 300.000 euros, concurriron un total de 8 empresas de restauración.