CULTURA
Coque Malla presenta o seu novo disco, "Mujeres", dentro do ciclo Íntimo & Acústico e de Cineuropa Concerto
Este xoves 14, nova cita co ciclo Íntimo & Acústico da man de Coque Malla, que chega a Compostela para presentar o seu novo traballo, Mujeres. Será ás 21:00 horas na Sala Capitol, nun evento que se enmarca tamén dentro de Cineuropa Concerto. As entradas, a 15 euros (18 o propio día do concerto) poden mercarse na billeteira do Teatro Principal, en Ticketmaster, A Reixa Tenda e salacapitol.com.
CULTURA
"Unha familia de Tokio", Espiga de Ouro en Valladolid, incorpórase a Cineuropa
Incorpórase un novo filme a Cineuropa, Unha familia de Tokio, gañador da Espiga de Ouro de Valladolid. Poderá verse este xoves, ás 23:15 horas, no Salón Teatro, e de novo os días 17 e 18. Este filme vén substituír no calendario a Enemy, de Denís Villeneuve, que caeu do cartel por problemas coa xeración da copia dixital. Dende a organización laméntase que non se poida ver Enemy e pídense desculpas polas molestias causadas.
ALCALDÍA
Reunión de traballo entre Concello, Cámara de Comercio e Asociación de Empresarios do Polígono do Tambre
O alcalde de Santiago, Ángel Currás, xunto coas concelleiras de Turismo, Reyes Leis; Facenda, Cecilia Sierra; e Urbanismo, María Pardo, mantiveron hoxe no Pazo de Raxoi unha reunión de traballo co presidente da Cámara de Comercio de Santiago, Jesús Asorey e co presidente da Asociación de Empresarios do Polígono do Tambre, Jesús Chenel, na que analizaron as principais demandas e necesidades destes colectivos, co fin de afincar as liñas de colaboración cara o futuro.
ALCALDÍA
Fademga, Special Olympics Galicia e o Colexio La Salle preparan a gala de entrega de premios das ligas 2013
O alcalde compostelán, Ángel Currás, xunto co concelleiro de Deportes, Adrián Varela, recibiron a directora do Colexio La Salle, Mar Fernández Balboa; o presidente do Club Fademga, Antonio Fuentetaja; e o presidente de Special Olympic Games Galicia, Eladio Fernández.
ALCALDÍA
O Premio Antonio Fraguas busca un ano máis os mellores traballos de investigación sobre o traxe tradicional galego
A Asociación do Traxe Galego, coa colaboración do Concello e do Centro Comercial Compostela convoca a XIX edición do Premio de Investigación Antón Fraguas sobre o Traxe Galego. Unha vez máis premiaranse os mellores traballos descritivos e analíticos sobre esta indumentaria.
DEPORTES
O Concello substituirá o campo de fútbol de terra a carón do Hospital Psiquiátrico de Conxo por outro de herba sintética
O alcalde compostelán, Ángel Currás, asinou un acordo coa conselleira de Sanidade, Rocío Mosquera, sobre a concesión demanial dos espazos deportivos existentes no Hospital Psiquiátrico de Conxo. O concelleiro de Deportes, Adrián Varela, asistiu tamén na Consellería de Sanidade a este acto de sinatura, que fai posible que o Concello asuma o acondicionamento destas instalacións.
BENESTAR SOCIAL
As Aulas da Terceira Idade incorporan novas actividades en Santiago este curso 2013-2014
A Asociación Cultural Galega de Formación Permanente de Adultos inaugurou o curso 2013-2014 das Aulas da Terceira Idade de Galicia (Ategal). O acto, celebrado no Colexio Maior San Agustín, contou coa presenza da concelleira de Benestar Social, María Castelao; da secretaria xeral de Política Social da Xunta de Galicia, Coro Piñeiro; e do vicerrector de Estudantes, Cultura e Formación Continua da Universidade de Santiago, Francisco Durán. A coordinadora xeral de Ategal, Paula Sande Nieto, presentou o novo curso e o presidente da entidade,...
CENTROS SOCIOCULTURAIS
Nadal en Portugal para pechar a edición 2013 do programa "Imos de excursión"
A Concellería de Centros Socioculturais, no marco do programa Imos de excursión 2013, abre este xoves 14 de novembro, a partir das 17:00 horas, o prazo de inscrición na excursión "Nadal en Portugal", que se realizará o domingo 15 de decembro.
CONSORCIO
O Consorcio de Santiago inicia a restauración do retablo pétreo da fachada principal do convento das Nais Mercedarias
O Consorcio de Santiago está a iniciar os traballos de restauración do retablo pétreo da fachada principal do convento das Nais Mercedarias. As obras adxudicáronse á empresa Tomos, centrada na conservación e restauración arqueolóxica. O equipo técnico está integrado por tres restauradores, que contarán coa colaboración puntual dalgún canteiro. Está previsto que os traballos, que dispoñen dun orzamento de 19.904 euros, estean rematados en tres meses.
CULTURA
Ton Risco Quinteto en concerto dentro dos ciclos Sons’13 Jazz e Cineuropa Concerto
O ciclo Sons ’13 ofrece este mércores 13 un novo concerto na Zona C dentro da súa sección Sons’13 Jazz. Será con Ton Risco Quinteto, que presenta o seu novo disco, Impronunciable. O concerto está enmarcado tamén no programa Cineuropa Concerto. As entradas para o mesmo poden mercarse na billeteira do teatro principal no seu horario habitual e na Zona C o mesmo día do concerto. Os prezos son de 5 euros anticipada; 6 o día do concerto e un prezo especial de 10 euros por entrada+CD.