CULTURA
WOS INC encherá Compostela de actividades culturais do 12 ao 14 de setembro
O próximo 12 de setembro inaugúrase en Santiago WOS INC, a primeira incubadora de ideas galega. Unha iniciativa da produtora compostelá Work on Sunday, en colaboración con diferentes axentes culturais galegos, que nace amparada polo ciclo Compostela Rock, organizado pola Concellería de Cultura. Máis de 30 espectáculos e eventos nun fin de semana, tres dias de actividades, que encherán Compostela de música, arte e cultura.
CULTURA
Novas datas das actuacións aprazadas polo mal tempo do programa Verán na rúa.
Debido a mal tempo as actuacións do luns e do martes do programa Verán na rúa foron aprazadas para a próxima semana. Mércores 3 e xoves 4 de setembro ás 19.30 h na praza de San Martiño Pinario. Entrada libre
XUNTA DE GOBERNO
Un investimento de 650.000 permitirá comezar coa renovación completa da avenida Quiroga Palacios antes de rematar o ano
O alcalde compostelán, Agustín Hernández, informou hoxe en rolda de prensa da aprobación do expediente de contratación das obras de renovación da totalidade da Avenida Quiroga Palacios, dende a Avda. de Lugo ata a rúa de Belvis, nas inmediacións do Seminario Menor. Tamén anunciou que se vai renovar a instalación de iluminación pública da zona alta do barrio da Almáciga, concretamente nas rúas de Touro, Carballo, A Pastoriza e Travesa da Pastoriza.
Xunta de Goberno
O Concello completa o servizo de roza e limpeza de vieiros municipais con traballos para a prevención de incendios
A Xunta de Goberno Local ven de aprobar tamén a adxudicación do servizo de prevención de incendios forestais mediante a realización de tratamentos preventivos en vías, camiños e outras superficies forestais do termo municipal por un importe de 41.140,00 €, dos que o Concello achega 25.918,20 euros e o resto vai con cargo aos fondos FEADER europeos.