XULGADOS
Santiago pode contar con xulgado e rexistro do mercantil este mesmo ano
Santiago pode contar este mesmo ano 2006 cun xulgado mixto que entenderá dos temas do mercantil, segundo anunciaron o alcalde de Santiago, Xosé A. Sánchez Bugallo, e o conselleiro de Presidencia, Administracións Públicas e Xustiza, José Luís Méndez Romeu, trala súa xuntanza no Pazo de Raxoi. Ademais, o Departamento autonómico tramitará en breve a solicitude para que comece a funcionar canto antes o rexistro mercantil.
TEATRO ESCOLAR
Os institutos Rosalía de Castro e Xelmírez I acollen o XI Certame de Teatro Intercentros
Os salóns de actos dos institutos Rosalía de Castro e Xelmírez I acollen ata o 28 de abril o XI Certame de Teatro Intercentros, organizado polo Departamento de Educación e Mocidade do Concello de Santiago, e a Coordenadora de Equipas de Normalización Lingüística.
CURTOCIRCUÍTO’06
Remata a recepción de guións para Curtocircuíto 2006
O venres 28 de abril péchase o prazo para a recepción de guións para participar no Compostela Plató, o concurso estatal de guións para curtas de ficción do III Festival Internacional de Curtametraxes de Santiago de Compostela, Curtocircuíto’06
RELATO ORAL
O Teatro principal acolle a última fase do concurso "Tíralle da Lingua"
O Teatro Principal acolle o xoves 27, ás 10.00, a última fase do concurso "Tíralle da Lingua", unha iniciativa na que participaron 2.000 rapaces de toda Galicia, que puideron aportar os seus relatos orais. Nesta última etapa presentaranse os relatos gañadores, correspondentes a 60 rapaces de 35 centros escolares. Este acto final foi presentado en rolda de prensa polo concelleiro de Política Lingüística, Manuel Portas, e por Belén Ambroa Roca, da directiva da Asociación Pedagóxica Galega, AS-PG.
BENESTAR SOCIAL
Posta a primeira pedra da Casa de Asociacións de Servizos Sociais
O alcalde de Compostela, X. A. Sánchez Bugallo, acompañado da Concelleira de Benestar Social, Adelaida Negreira, inauguraron a posta en marcha da construción do edificio que servirá para atender as necesidades de todos os composteláns en materia social.
INMIGRACIÓN
As mulleres inmigrantes contarán cun punto de encontro
"Proxecto de Integración Sociocultural de Mulleres Inmigrantes" é a denominación dunha iniciativa que pretende dar unha oportunidade ás mulleres inmigrantes que viven Santiago para atopar un punto de encontro no que tratar diversos temas do seu interese. Así o indicou a concelleira de Emigración e Inmigración, Teresa Regúlez, na presentación deste proxecto, que desenvolve o Concello de Santiago en colaboración coa Cruz Vermella.
ENSINO
Escolares de Santiago demandan un ensino universal
Escolares de Santiago de Compostela pediron ao tenente de alcalde e concelleiro de Cultura, Néstor Rego, que se comprometa a poñer en marcha medidas para asegurar que o ensino universal sexa unha realidade no ano 2015. Para acadar este obxectivo fan falta 15 millóns máis de docentes cualificados e ben remunerados.
