CEMITERIOS
Medra a utilización do servizo de incineración en Compostela
A opción da incineración é cada vez máis utilizada polos habitantes de Compostela e do seu contorno. Dende outubro do pasado ano, realizáronse 160 incineracións no crematorio de Boisaca, segundo anunciou a concelleira de Cemiterios, Marta Álvarez-Santullano.
CULTURA
Máis de 120 filmes na vixésima edición de Cineuropa
Un ano máis, Cineuropa non falta á súa cita do mes de novembro. Do 2 ao 30 de novembro, Compostela énchese de cinema grazas a un festival que este ano chega á súa vixésima edición. Proxectaranse máis de 120 filmes, un 50% máis que o pasado ano.
TRANSPORTES
De novo en funcionamento as escaleiras mecánicas da Estación de Autobuses
O martes 31 de outubro comezan a funcionar as novas escaleiras mecánicas da Estación de Autobuses, despois dun longo período de inactividade, motivada pola imposibilidade de reparalas por non existir recambios. No novo mecanismo, facilitará o acceso da dársena á sala de espera e expedición de billetes, investíronse uns 306.000 euros.
ALCALDÍA
O alcalde despide ao xeneral comandante da Rexión Militar pola súa xubilación
O alcalde compostelán, Xosé A. Sánchez Bugallo, recibiu ao xeneral comandante da Rexión Militar, Pedro Herguedas Carpio, quen deixa o seu cargo por xubilación. No encontro lembraron a colaboración mantida durante todos estes anos entre ámbalas institucións.
URBANISMO
Reaxustes nas rúas do SUP-6 da Choupana
A Xunta de Goberno local aprobou inicialmente o estudio de detalle na rúa da Choupana do solo urbanizable programado número 6 (Sup-6) de Santa Marta. Este documento, elaborado pola Empresa Municipal de Vivenda e Solo (EMUVISSA), "axusta as aliñacións correctamente", tal como indicou o concelleiro de Urbanismo, Luís Toxo.
SEGURIDADE
O Plan Municipal de Emerxencia marcará as actuacións ante calquera tipo de risco na cidade
Compostela contará en breve cun Plan de Emerxencia Territorial de Protección Civil, que determinará as actuacións a levar a cabo ante calquera situación de risco na cidade. A Xunta de Goberno local aprobou a contratación dunha asistencia técnica para a elaboración deste programa, por un importe de 49.000 euros.
BENESTAR SOCIAL
A Concellaría de Benestar Social lanza varios programas de prevención das drogodependencias
Previr as drogodependencias é o obxectivo de varios programas que vai por en marcha a Concellaría de Benestar Social. O Goberno local aprobou a adxudicación de tres iniciativas con este fin.
CASCO HISTÓRICO
Case 272.000 euros para a restauración e mantemento dos enlousados de pedra no Casco Histórico
O Goberno local aprobou o proxecto de restauración e mantemento dos enlousados de pedra da Cidade Histórica. Nesta actuación vanse investir 271.931 euros.
BENESTAR SOCIAL
"Educación de Rúa" actúa fronte ao risco de exclusión social
Co obxectivo de previr riscos sociais xorde "Educación de rúa", un programa dirixido fundamentalmente a nenos e adolescentes en situación de risco social. A iniciativa porase en marcha nos barrios de San Pedro e Fontiñas, durante un período de oito meses.
ALCALDÍA
O alcalde recibe á Asociación Fuco Buxán de Ferrol
O alcalde Xosé A. Sánchez Bugallo reuniuse con representantes da Asociación Fuco Buxán de Ferrol. Durante a xuntanza falaron da preparación da "Homenaxe de Galicia a Isaac Díaz Pardo", que a asociación ferrolá está a levar a cabo.
