RELACIÓNS INSTITUCIONAIS
Santiago-Une cumpriu cos obxectivos de crear unha rede de cidades e de dinamizar a idea de Europa entre os cidadáns
O concelleiro de Relacións Institucionais, Andrés Fariña, fixo balance das accións realizadas no marco do programa Santiago-Une, acompañado polo conselleiro técnico da Subdirección General de Cooperación Cultural coas Comunidades Autónomas do Ministerio de Cultura e responsable do Punto de Contacto Ciudadanía, Augusto Paramio. Destacou o papel deste proxecto para "dinamizar a idea de Europa entre os cidadáns".
CONSORCIO
O Consorcio e o Cabildo traballarán xuntos na xestión da conmemoración do 800 aniversario da consagración da Catedral
O alcalde e presidente do Consorcio de Santiago, Xosé A. Sánchez Bugallo, e o deán-presidente do Cabildo da Catedral, José María Díaz, asinaron o protocolo de colaboración que permitirá que ambas institucións traballen xuntas na xestión da conmemoración do 800 aniversario da consagración da Catedral de Santiago, que se celebrará en 2011.
CULTURA
O Festival de Teatro Afeccionado Agustín Magán trae catro espectáculos ao Principal
A concelleira de Cultura e Centros Socioculturais, Socorro García Conde, presentou en rolda de prensa o IX Festival de Teatro Afeccionado Agustín Magán e a gala X Aniversario de FEGATEA (Federación Galega de Teatro Afeccionado), acompañada de dous representantes da Federación, Manuel Dasilva e José León, ademais do director xerente do Auditorio de Galicia, Paulo Rodríguez.
ALCALDÍA
A directora xeral da UNESCO, Irina Bokova, falou de paz en Santiago
O alcalde compostelán, Xosé A. Sánchez Bugallo, recibiu a directora xeral da UNESCO, Irina Bokova, que está en Santiago para participar no Foro 2010.
XUNTA DE GOBERNO
Adxudicado o subministro de mobiliario para a ludoteca de Fontiñas
A Xunta de Goberno aprobou, entre outros asuntos, a adxudicación do subministro de mobiliario para a Ludoteca de Fontiñas, para o Centro de Recursos e Servizos Integrais de Apoio a Empresas (CERSIA) e para o Centro Xove de Creación Cultural. Tamén se impuxeron penalizacións por retrasos nalgunhas obras de reurbanización e puxéronse en marcha algúns dos programas tradicionais do Nadal.
ALCALDÍA
Novo firme para Sarela de Arriba
O alcalde compostelán, Xosé A. Sánchez Bugallo, presenteulle aos veciños e veciñas da Peregrina o proxecto de reforzo do firme da vía pública no lugar de Sarela de Arriba. Acompañouno nesta visita o concelleiro de Obras e Infraestruturas, Bernardino Rama.
TURISMO
O Pleno aproba unha transferencia de capital de 200.000 euros para INCOLSA
O Pleno da Corporación, en sesión extraordinaria, aprobou unha transferencia de capital de 200.000 euros para Turismo de Santiago – INCOLSA, procedente de remanentes orzamentarios do Concello.
CIRCULACIÓN VIARIA
Un novo sistema móbil para os axentes mellorará a xestión das sancións viarias
A concelleira de Circulación Viaria e Seguridade Cidadá, Marta Álvarez-Santullano, presentou un novo sistema móbil, a través de PDA e dunha pequena impresora, que permitirá unha xestión máis eficaz das sancións viarias. Con estes instrumentos e un software específico, os axentes poden remitir a unha base centralizada do Concello os seus boletíns de denuncia e tamén imprimilos.
ALCALDÍA
O alcalde constata tras 25 anos como Patrimonio da Humanidade un Casco Histórico "rehabilitado, vivo e competitivo"
Cando se cumpren 25 anos da declaración de Santiago como Patrimonio da Humanidade pola UNESCO (4 de decembro de 1985), o alcalde compostelán e presidente do Consorcio, Xosé A. Sánchez Bugallo, cualificou de "extraordinario", o balance deste período. Os principais indicadores da evolución da Cidade Histórica nesta etapa son recollidas nunha publicación editada polo Consorcio de Santiago.
CULTURA
Chega o Nadal cunha exposición de Korda e unha ampla oferta musical
O director xerente do Auditorio de Galicia, Paulo Rodríguez, presentou a programación cultural de decembro e xaneiro en substitución da concelleira de Cultura e Centros Socioculturais, Socorro García Conde. Unha oferta que está protagonizada pola exposición retrospectiva do fotógrafo cubano Alberto Korda, mundialmente coñecido polo seu retrato do Che Guevara, que estará do 22 de decembro ao 27 de marzo no Auditorio de Galicia.