Noticias

Santiago e a súa comarca acollerán o domingo 10 o Campionato de Galicia de Contrarreloxo Individual das categorías Elite, Sub 23 e Sub 21, unha proba organizada pola Federación Galega de Ciclismo e patrocinada pola Fundación Compostela Deporte.

O alcalde compostelán, Xosé A. Sánchez Bugallo, e a concelleira de Centros Socioculturais, Guadalupe Rodríguez, inauguraron a VI Semana Cultural do centro de Fontiñas. As diferentes actividades, agrupadas baixo o denominador "Con todos os sentidos", desenvolveranse do martes 5 ao sábado 9 de xuño.

O persoal da Campaña de sensibilización para a formación, destinada a comerciantes e hostaleiros, e posta en marcha pola Concellaría de Promoción Económica e Comercio no marco do Plan de Excelencia comercial, visitou xa 860 estabelecementos dos 2.500 previstos, o 34,4%.

A concelleira en funcións de Centros Socioculturais, Guadalupe Rodríguez, presentou a VI Semana Cultural do centro de Fontiñas. Baixo o lema "Con todos os sentidos", este espazo ten preparado un amplo programa de actividades para todos do martes 5 ao sábado 9 de xuño.

A Xunta de Goberno aprobou provisionalmente o Plan especial de equipamento docente de Monte Redondo (Montouto), que permitirá a construción do novo complexo do Colexio Manuel Peleteiro. A aprobación definitiva, tal como marca a Lei do Solo por ser un terreo rústico, corresponderá á Xunta nun prazo máximo de tres meses.

As estradas e rúas de Compostela acollerán o domingo 10 de xuño o Campionato de Galicia de Contrarreloxo Individual, nas súas categorías de elite Sub-23 e Sub-21. A Xunta de Galicia aprobou a celebración desta proba, que sairá de Salgueiriños e rematará en Xoan XXIII.

O Goberno local aprobou as bases da convocatoria da que será a XIII edición do Concurso Literario Ánxel Casal, nas súas modalidades de conto, poesía e teatro. O orzamento é de 5.990 euros.

O alcalde compostelán en funcións, Xosé A. Sánchez Bugallo, inaugurou no Hostal dos Reis Católicos a exposición fotográfica "Il Cammino e i Camminatori di Santiago di Compostela". Esta mostra, obra da duquesa dell’Aquila d’Aragona chega a Compostela tras percorrer catro cidades italianas e estará aberta ata o 17 de xuño.

Dende a súa inauguración o 25 de abril, 15.563 persoas achegáronse ata "Santiago dC", unha exposición que reflicte a relación existente entre a memoria da cidade e o seu futuro, a relación entre o pasado e os proxectos que a transformaron e ampliaron. A exposición, conmemorativa do XV aniversario da creación do Consorcio de Santiago, pode verse no singular edificio do Banco de España nun horario de 10:00 a 24:00 horas, agás os martes, que permanece pechada.

A Concellaría de Promoción Económica e Emprego levará a cabo os días 4, 5, 6 7 e 8 de xuño un novo proceso de selección de alumnos de carpintería, xardinería, fontanería, enerxías renovables e cantería.