Noticias

A Facultade de Farmacia prepara os actos de conmemoración dos 150 anos da súa creación, que se cumprirán en 2007. O Concello de Santiago non é alleo á importancia desta data e prestará toda a súa colaboración para que se celebre con éxito. Así llo transmitiu o alcalde de Santiago, Xosé A. Sánchez Bugallo, á comisión encargada destes actos, presidida polo decano da Facultade, José Miñones Trillo. Tamén estiveron os profesores José María Calleja, Francisco...

Durante a inauguración das xornadas "Instrumentos de xestión urbanística previstos pola lexislación en Galicia", o alcalde compostelán salientou o papel das empresas públicas de vivenda e solo e fixo especial fincapé na importancia de Emuvissa no crecemento integral da cidade de Santiago.

A Biblioteca Compostela de narrativa europea permitirá que catro obras de autores contemporáneos estean nas librarías traducidas ao galego. Este nova colección xorde da colaboración entre a Concellaría de Cultura e a editorial Galaxia, plasmada nun convenio ratificado polos seus titulares, Néstor Rego e Víctor Freixanes, respectivamente.

O luns 16 celebrouse a gala de inauguración da semana grande do Festival CurtoCircuíto, presentada pola actriz Camila Bossa, no Teatro Principal compostelán. Na mesma entregouse o Premio do público, que outorgan os asistentes ás proxeccións realizadas todos os xoves de xullo, agosto e setembro. A gañadora foi "Medianeras", do director arxentino Gustavo Taretto.

Os 33 alumnos inscritos na terceira fase de formación do proxecto Equal Compostela Social comezaron as clases teóricas o luns, 16 de outubro. O 70% dos participantes son mulleres, un dos colectivos aos que vai dirixido o proxecto. Tamén teñen presenza nesta nova fase outros colectivos con dificultades de integración laboral: persoas desempregadas de longa duración, inmigrantes ou emigrantes retornadas e retornados e mozos sen emprego anterior.

A Concellaría de Promoción Económica e Emprego dá comezo mércores 18 a un curso de psicomotricidade dirixido a profesionais en activo vinculados ao traballo coa terceira idade. O curso ten unha duración e 20 horas, e celébrase en horario de luns a venres, de 8 a 10 da noite, para non coincidir cos horarios de traballo dos participantes. O seu remate está previsto para o 31 de outubro.

A Xunta de Goberno local aprobou as bases reguladoras e a convocatoria das subvencións para os elementos especiais de madeira dos edificios e vivendas da cidade histórica. Estas axudas, concedidas polo Consorcio de Santiago, ascenden a un total de 200.000 euros.

O novo Centro de Creación e Formación Cultural converterase no espazo no que os creadores que comezan poderán formarse e difundir a súa produción. O complexo ubicarase nun edificio anexo ao Colexio Santiago Apóstolo e estará listo nun prazo aproximado de oito meses.

O martes 17 comeza o Obradoiro Avid "Non te curtes", cuxo fin é ensinar tanto teórica como practicamente, a montaxe en edición dixital. Esta é unha das actividades que se levan a cabo con motivo do Festival Internacional de Curtametraxes CurtoCircuíto’06, que rematará o sábado 21 coa Gala de Entrega de Premios bautizada co nome de "Ponte de curto".

Como cada curso escolar, o Departamento de Educación e Mocidade pon en marcha o programa de música para escolares de centros de ensino do concello de Santiago de Compostela. Este ano, ademais da oferta periódica de concertos didácticos da Banda Municipal de Música de Santiago e dos ciclos de concertos didácticos de música tradicional e de música clásica nos centros, ofértase "O Pequeno Wolfy", a cargo do cuarteto de corda Pizzicato. A cita é o martes 17, ás 10:30 horas, no Teatro Principal.